جفران هضبان & القريحه بندقن ضربها حامي - كلمات يعقوب العضياني 2023 حصري

لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" سنابي "

Snapchat: u511a



شيله مهداه الى نير عتيبه :
عبدالرحمن بن عبيد بن نشار العضياني

كلمات يعقوب العضياني

القريحه بندقن ضربها حامي
ماتفشّل فالمواقيف راعيها

لانقلها فوق كفينه الرامي
كل راعي بندقن يلتفت فيها

المشوك واحمر الموت فحزامي
والمخازن بالمشاعيل ماليها

كل وقفة عز لاجات قدامي
لو تباع الروح بالروح شاريها

موقفن سامي وصمخ الشعر سامي
فالرجال الي بعادن هقاويها

شاعرن فالروقه يعدّ ومحامي
يرتكي لكبر قضيه وينهيها

لادعا الماجوب ماتبرد عضامي
اكحل عيون المقاريد واعميها

مادحن لي لحيتن من ورا العامي
جعلها زكات شعرن مسويها

غرّني ضول السنابات الاعلامي
ليتني ماجيت عاني وناصيها

شيختن ماغير سكبه وهندامي
الليال السود تضهر خوافيها

مايقال الشعر والموقف الزامي
غير في رجل يثمّن قوافيها

الفرايد كلها جات درهامي
والقصيده لبن نشار مهديها

درع جنبي لازما قدمي الزّامي
حالف اني في معاليه اسويها

من مدهش روق روقيّن عصامي
نير ربعه لاقسا الوقت يحميها

فجّ باب القصر والقصر مترامي
مزبن الي حادي الوقت حاديها

وكلمة ارحب واقلط وعدّ قدامي
وانتهى موضوعك وتم ينهيها

واجل همك واحتزم بامره السامي
ابلجن لوازم الناس يقضيها

من زبن شرواك ماهوب منضامي
اشتهرت بفزعتك وانت راعيها

من حمول الخيل واكبار الاسامي
عزوتن في نجد تعرف عزاويها

شوق ابو رمشن على خده لثامي
الهنوف الي تعزوى باهاليها

انت سلة سيفنا الفاري الدامي
فزعتك مانيب والله ناسيها

يوم كلمتك وانا هالك وضامي
رحت كني نجد مالك ضواحيها

تطلق الي جايه الحكم الاعدامي
واسمك لحاله لربعك يكفيها

تستعز بعزة الدين الاسلامي
والله يعز النشاما ويبقيها