أنا راعي الصفراء زبون المخاسير | جفران بن هضبان | 2024

.


.
انا راعي الصفراء زبون المخاسير
احرق حساب البنك ماحسب حسابه

.
عبدالله الدبوس
كلمات فهد ابراهيم الفضلي
أداء جفران بن هضبان



_______________________

للتواصل والاستفسارات
الخاصة بقناة أبويعقوب
‏Official WhatsApp :
https://api.whatsapp.com/send?phone=5...
_____________

جو الصياهد فيه عج ومعاصير
والجدي يلمع فالسماء مادرابه

تهاوت انجوم السماء دون تبرير
والجدي ثابث فالدجا يقتدا به

ترى الوعد عند المنصه على خير
ومن غاب عننا لا يبرر غيابه

للعز ياروس الرجال المناعير
حمايت البل عاد بقعاء نهابه

دبوس ياحامي عقاب المضاهير
يالساطي اللي في اللقاء يندعا به

قدمت حر ًً سطر المجد تسطير
عينه على الطالات باول شبابه

ياقوم يا عنتر ويا سالم الزير
عبدالله الدبوس عز ومهابه

تاقف له القيفان حشمه وتقدير
ولا اوفت من حقوق حضرت جنابه

مثلت لام اهل القنا والبواتير
وانا اشهد لك فالمواقيف لابه

اقلط بصفر طيشوها الجماهير
لشوطها اللي ماخلق من هقابه

كنها تخايل فالقنوف المزابير
والا تسوي للمجره رقاابه

عرّض هل الاشواط حامي زمهرير
لو كان مالك من وراهم طلابه

قل من يبينا لا يدور معاذير
دام المرا فالصفر مفتوح بابه

انا رعا الصفرا زبون المخاسير
احرق حساب البنك ما حسب حسابه

واللي مزهب بندقه بالمعايير
يبشر له بيوم يتقطع سرابه

والله ان نحده لين نعكس به السير
وان نهدم احلامه هدام الخرابه

لحدن يزاحمنا على جمه البير
ما دام منبعها قراح شرابه

واللي يقول اونس براسي سعاطير
يطلع لنا في شوطنا مرحبا به

وان ماقدر يطلع طلوع المشاهير
جيناه فالخمسين ندمي صوابه

واليا صدم في عارض طويق والنير
مسموح بكره كان شقق ثيابه

حنا نعرف مجمعين الخوابير
ماعندهم فالشوط عزم وصلابه

العام الاول تزهم الناس وتغير
ومتحزم لك في قروب وعصابه

ورحتوا مراح مقيط في قاعة البير
واطيبكم اللي راح محدن درى به

وذا العام تحشد لك علينا طوابير
ولا تبيّن  في نهار الحراابه

اما تقدم باسمك وخير ياطير
ولا انفهق ولا تكلم بجابه