Vim Luag Txwv - Paj Huam by Xia Xiong (Official Music Video)

Title : Vim Luag Txwv
singer: Xia Xiong
Lyrics: Xia Xiong
Music : Mong Vang
Producer: Kub Thao
Recording : Kub Thao

Please subscribe to my music video channel. Thov sub rau kuv tus channel.

My Youtube channel is @xiaxiongmusic

My Facebook is, nov yog kuv tus Facebook. Facebook: khamkeo.seexyooj

My Email : [email protected]

Zoo siab tos txais txhua tus phooj ywg los koom kuv Xia Xiong Tshoob Youtube Music Video Hmoob


Title : Vim Luag Txwv

Me nraug hmoob nco koj ua luaj
Hmoo tsis muaj tsis tau sib hlub
Luag tsis pub wb los sib sau
Thiaj tsis tau ua koj poj sev
Ua niam tsev rau koj tiam no

Yog koj hnov suab qeej nruas rov
Ces nws yog kuv lub moo nploj
Koj mam nco txog kuv thiab nawb
Sib sib ntshaw los tsis sib yuav

Cia kuv ua tus tso tag nrho
Yog koj hnov suab quaj tuaj cuag
Ces nws yog kuv lub moo tuag
Koj mam tuaj quaj ua zaum kawg
Luag yuav saw kuv rau av liab
Kev lwj siab ntshe kuv dim plaws

Luag yuav saw kuv rau av dub
Txoj kev hlub ces kuv mam tos
Hnub koj los txog rau nruab dab
Wb mam npaj mus thawj dua thiab

Tug dua tshiab kom tau sib hlub
Txoj kev hlub tsis muaj tus txiav
Rau lwm tiam os me nraug hmoob
Tu siab tshaj wb tsis muaj hmoo

Txoj kev hlub wb thiaj puas ntsoog
Koj kuv wb thiaj tau sib plam

Kuv tau tso koj tseg ua ntej
Kev txom yem koj thiaj tau txais
Thiaj li faib txoj kev nyuaj
Nrog koj cia rau yav tom qab

Kuv haj yam txom nyem os mog
Xav tsis txog tia txoj kev tuag
Nws yuav nyuaj tu siab npaum no
Kuv nyob rog txoj kev tsaus ntuj

Tos txhua hnub tsis pom koj los
Kev tsim txom kuv raug tsim txaus
Vim ua txhaum txoj cai saum neej
Luag hais meej tia txoj kev tuag

Tsis yog tuag raws lub siab ntshaw
yog mob raws li lub ntuj tsim
Luag tsis tsim kuv tag npaum no
Vim kuv yog tus ntxo txoj sia

Kuv thiaj khiav tsis dhau qhov phem
Yog tau mob raws li txoj kev
Luag tsim tseg ces twb tsis nyuaj
Kuv tau quaj ua hnub ua hmo

Mam nco txog hnub txoj sia tu
Hai tia kuv xav yuam kev lawm
Lub sij hawm tsis tig rov qab
Xav los cab koj los tsis tau

Vim luag tau hais lus tseg cia
Koj txoj sia daim ntaub daim ntawv
Tshuav ntev nawb mam txog koj

Kua muag poob tos tsis tau koj
Nrog kuv nyob rau hauv nruab dab

Nyob saum yaj los wb sib plam
Nyob nruab dab los tseem tsis tau
Kev nkauj nraug tu nrho lawm tiag
Mob lub siab npaum hluav taws kub

Quaj txhua hnub nrhiav koj txhua hmo
Xav tia koj yuav  lawv kuv qab
Tos npaum cas tsis pom koj los
Koj tsis nco wb tej lus cog

Kom  kuv yog tus ncaim ua ntej
Txog koj hnub ces koj mam los
Kuv tos tos koj os nraug hmoob
Los tsuag mog wb yuav maj mus

Yuav mus thov daim ntaub daim ntawv
Kev txij nkawm nyob rau lwm tiam
Wb mam piav qhia rau yawm saub
Qhov kuv tau txo kuv txoj sia

Vim luag txiav wb txoj kev hlub
Thov yawm saub pub wb sib yuav
Vim wb muaj kev hlub loj dhau  
Kom  wb tau los nyob ua ke
Ua koj sev  mus tag ib txhis os

Music Video by Xia Xiong Vim Luag Txwv ©2019
Xia Xiong

• #music
• #vim_luag_txwv
• #paj_huam
• #xia_xiong