Tuag Vim Nco - Paj Huam by Xia Xiong (Official Music Video)

Song : Tuag Vim Nco
singer: Xia Xiong
Lyrics: Xia Xiong
Music : Mong Vang
Producer: Kub Thao
Recording : Kub Thao

Please subscribe to my music video channel. Thov sub rau kuv tus channel.

My Youtube channel is @xiaxiongmusic

My Facebook is, nov yog kuv tus Facebook. Facebook: khamkeo.seexyooj

My Email : [email protected]

Zoo siab tos txais txhua tus phooj ywg los koom kuv Xia Xiong Tshoob Youtube Music Video Hmoob


Title :  Tuag Vim Nco

Tu kuv siab   ..Os me nraug hmoob
Kua muag poob   Ntau hnub ntau hmo
Vim kuv yog   Tus tsis phim koj
Kuv tsis yog  tus koj xav yuav
Coj mus ua   Koj tus poj niam
Mob kuv siab.  Heev os nraug hmoob
Kuv tsis zoo.  Phim ua koj sev
Kev ntxhawj ntse  los kuv tsis muaj

Los zaus quaj    Tu siab ib leeg
Tus me neeg.  Kuv hlub thiab nco
Kuv yuav tso.  Koj lawm os mog
Kuv tsuas yog.  Tus koj tsis xaiv
Koj lam hais.  Lo lus hlub nco
Hnub dhau hmo.  Kom kuv tuag siab
Qhov tseeb tiag.   hauv koj nruab nplawv
Tus koj ntshaw  nws tsis yog kuv
Koj tsis npaj  yuav poj yuav sev
Ntawm kuv ces   Ua siab lawm mog
Tu siab nrho.  Txiav wb txoj kab
Siab tsis kaj  nyob tsaus ntuj nti

Noj tsis nqi   Pw los tsis tsaug
Vim yog raug  kab mob kho siab
Nyob sawv ntsia. Siab seev yuj yeev
Nco koj heev.  Tsis paub ua cas
Kuv xav zaj   Twg los tsis tawm
Lub sij hawm   Kuv tsis paub piav
Coj mus qhia   Hais rau leej twg
Hauv lub hlwb  tsuas xav hais tia
Tag txoj sia   Thiaj yuav daws tau
Kev nkauj nraug.   Ntawv wb os mog
Koj tsis hnov   Kuv lub moo mob
Tos koj nco.  Hnov lub moo tuag

Ces luag muab   Kuv xyab lis zoj
Hnav lub ntsho.  Rau qhov rooj txuas
Koj puas tuaj.  Kho khau kuv rau
Kom kuv tau.  Koj ntxhais khau ntuag
Cev ntaj tsug. Tuag tag li nthi
Ces luag muab  kuv xyab li zoj
Hnav lub ntsho   Pw ntawm hauv plag
Koj puas tuaj   saib kuv zaum kawg
Es tuaj qawm.  Quaj rau kuv hnov
Cas kuv hos  ncaim lub ntiaj teb

Vim txoj kev.  Nco koj xwb mog
Kuv tsis yog  tuag mob tuag nkeeg
Nawb tus neeg  kuv hlub thiab nco
Qhov tuag no  vim yog nco koj
Kuv thiaj tso  ncaim lub ntiaj teb  
Ncaim mus deb. Koj lawm os mog

Music Video By Xia Xiong Tuag Vim Nco ©2019
Xia Xiong

• #music
• #xia_xiong
• #paj_huam
• #tuag_vim_nco