من گوڵێکی سیس و ژاکاوم / ئاریاس جەوان

من گوڵێکی سیس و ژاکاوم و وجودم پەڕپەڕە
چەرخی سپڵەش بوبلبولێکە و هەر وەکوو خۆی دڵ تەڕە
تۆش هاودەستی چارەنووسی و بۆ نەمانم حەولتە
ئێوە دوون و من یەکێکم کەی ئەوە رەسمی شەرە

دوژمنی وەک تۆم نەدیوە پڕ بە دڵ خۆشم دەوێ
قەسدی گیانیشت ئەگر بێ هەر بەلام دا تێپەڕە
چاوکەت جەلادەمە و پرچت تەنافی گەردنم
بۆتە سێدارەی من ئەو بەژنەی دەیانگوت دڵبەرە

مەرگی من کە زۆر لە مێژە بۆتە ئاواتی دڵت
من دەمرم و تۆش بە ئاهەنگی نەمانم هەڵپەڕە

من گوڵێکی سیس و ژاکاوم و وجودم پەڕپەڕە
چەرخی سپڵەش بوبلبولێکە و هەر وەکوو خۆی دڵ تەڕە
تۆش هاودەستی چارەنووسی و بۆ نەمانم حەولتە
ئێوە دوون و من یەکێکم کەی ئەوە رەسمی شەرە