Ramiz Rövşən - Bir gör neçə ömür keçdi - Kamran M. Yunis

Bir gör neçə ömür keçdi
Gecədən gündüzə kimi.
Dünya neçə yol dəyişdi
O gözdən bu gözə kimi.
Baxmadı göz yaşımıza,
Nəyi gəldi xoşumuza?
Günü döydü başımıza,
Qarı çıxdı dizə kimi.
Kimi çiçək dərdi getdi,
Kimi ürək qırdı getdi,
Neçə şair öldü – getdi
O SÖZdən bu SÖZə kimi.
Nəydi ki, Tanrının qəsdi?
Verdiyi quru nəfəsdi.
Hərəyə bir ömür kəsdi
Bu dünyada CƏZA kimi…