1995孫淑媚 - 桂花巷Kuì-hue Hāng(原唱 : 潘越雲)

作詞：吳念真
作曲：陳揚

想我一生的運命
siūnn guá it-sing ê ūn-miā
親像風吹拍斷線
tshin-tshiūnn hong-tshue phah-tn̄g suànn
隨風浮沉無依倚
suî hong phû-tîm bô i-uá
這山漂浪過彼山
tsit suann phiau-lōng kuè hit suann
一旦落塗犁頭看
it-tàn lo̍h-thôo lê thâu khuànn
只賰枝骨
tsí tshun ki-kut
身已爛
sin í nuā
啊~只賰枝骨
ah~ tsí tshun ki-kut
身已爛
sin í nuā

花蕊較䆀嘛開一擺
hue-luí khah bái mā khui tsi̍t-pái
偏偏春風等袂來
phian-phian tshun-hong tán buē lâi
只要根頭猶原在
tsí-iàu kun-thâu iáu guân-tsāi
毋驚枝葉受風颱
m̄-kiann ki-hio̍h siū hong-thai
誰知花等人採
siáng tsai hue tán lâng tshái
已經霜降
í-king sng kàng
日落西
ji̍t lo̍h-sai
啊~已經霜降
ah~ í-king sng kàng
日落西
ji̍t lo̍h-sai

風吹身軀桂花命
hong tshue sin-khu kuì-hue miā
若來想起心就疼
nā lâi siūnn-khí sim tiō thiànn
恩怨如煙皆當散
un-uàn jû ian kai tong suànn
禍福當做天註定
hō-hok tòng-tsuè thinn tsù-tiānn
往事何必越頭看
óng-sū hô-pit ua̍t-thâu khuànn
共伊當做夢一般
kā-i tòng-tsuè bāng tsi̍t-puann
啊~共伊當做夢一般
ah~ kā-i tòng-tsuè bāng tsi̍t-puann