ذخاير سبيع - عبدالله بن علوش & عايض بن عبدالله - في مدار الخيال 2024 حصرياً

للتواصل والاستفسارات
الحسابات الرسمية :
https://bio.site/i505

الابيات :

هبت النود واهتزت غصون الجريده
والشفق غاب والقمرا تجدد سناها

وقربت لي ارسومً كانت اول بعيده
والطواري تهادف ما تغيّب حداها

في مدار الخيال افردت  باشياء عديده
والقريحه ماهوب ادنى مايقطع ضماها

ثم بديت الطويل وزان مبدا النشيده
واستوت والرساله تاصل لمبتغاها

اتّنصى رفيقً صافح المجد بيده
سمعته مع اهل الطالات يصدح صداها

بالطناخه وبالفزعات ينضخ وريده
من بغى فزعته لا من بغاها لقاها

يا محمد عسى فالك حياةً سعيده
وانت ذخر اللي علوم الشكاله حواها

نسل عود مع اهل الطيب كفه جويده
كل قمه تشوق العين قام ورقاها

نسل ضيدان ذخر اللي زمانه ضديده
فزعة اللي صدوف الوقت بيّح خفاها

وانتو اهل الوفا  والعرف واهل العقيده
كل منكم قصور المجد شيد ابناها

الشماسات اهل وقفه وروسً عنيده
فعلهم تطرق الورقا به اعذب اغناها

هل دواوين بعز ومعزه امشيده
من نصته الهموم القشر قام ونصاها

من زبنهم تهنى بالحياه الرغيده
ماشتحن من قسى سود الليال وعناها

لو خذا في كنفهم له سنينً مديده
راحته تكمل وماعاد يلحق مداها

ماخذينً نعم وصروح مجدً تليده
ماحدً قبلهم هيمن عليها وجاها

من ذخاير سبيع اهل السلوم المجيده
الفخر في سيرهم يطرب اللي قراها

قبل فرض النظام وقبل عصر الجريده
عزوة سبيع بن عامر شهيرً نبااها .

ذا وربعي هل المبدا والاريا السديده
يوم كل بطيب انساب ربعه تباها

الخنافر ذرا الخايف وامانه وعيده
ستر سمرا  الغديفه كان ذبت غطاها

باسمنا صفحة التاريخ دايم عهيده
اسم خيالة البلها على مبتداها

سلطة في الجهل على المعادي شديده
السلوم انعمِدها والديار نحماها.