النجع 2024 الحلقة 23 هاينين عليكم - صفاء سعد

أجاويد للإنتاج الفني والإعلامي
أجاويد للإنتاج الفني والإعلامي
9.4 هزار بار بازدید - 3 ماه پیش - النجع 2024 الحلقة 23 هاينين
النجع 2024 الحلقة 23 هاينين عليكم - صفاء سعد
🟩هاينين عليكم  🌴 نجع 2024

#أجاويد
#النجع

لمشاهدة المزيد من الفيديوهات : https://shorturl.at/ftzW4
للاشتراك في القناة الرسمية: http://bit.ly/Agaweed_production

لا  هـ  الدرجة  هاينين  عليكم
          كارهين زفرتنا غسلتـوا إيديكم

لا هـ الدرجة إنهنّـا
       رخصنا عليكم ماتبولنــــــا بنــه
ياما  تعــــــاشرنا [ رطابه وحنه]
       بيش ماتبوا نعمل اللي ترضيكم

ماتقول كنا ملفىٰ
      ضراء الخايفة وبينا مودة و أُلفـــه
بديتو إدقوا في إحبال الحلفــــه
  وكيف قبل رحابة علي اللي إيجيكم

ما تبولنا جلسة
      والجــي خلسـه والوداعة  خلسـه
وطالقين هـ اللي إفامهم  منطلسه
      [ شدولهم ]يرحـــــــم الله ولديكم

ماتبولنا طاري
       بعتوا رفقكم تضحكوا مع الشاري
واللي حبنا في الكـــارهين إيماري
      وحاقد وسم الحقد مــــــا نوريكم

ماتبولنا قربة
       كـــــارهين حتى رجوعنــا للمربىٰ
عايفينــه ومستحليين الضــــــربة
    في ضلوعنــــا ونحنا[ إنتغنىٰ بيكم]

ما تبولنا ريحـه
       حقيقة جلية واضحــــة وصريحة
الله يزيدكم منها أو ودره وريحـه
        على قيس نيتكم الله يعطيكــــم  

وقت تشعروا بالندمة
        ما بـ نتفاجئ ونشعروا بالصـدمة
ماهوش موضع الندم من عدمة
       اللي محيرتنا بيش بي [نكافيكم ]

ياخاينين العشرة
       ياللي كليتوا الود لب وقشــــــــرة
يجي يوم ونحطوا الصباع العشرة
       في عيونكم وأفعــــــالكم تعميكم

بدينا قداكم زفرة
          هِنّا عليكم ناقتلكم  طفــــــــرة
لرواحكم  جمله حفرتوا  الحفرة
         ليام كفيلة  في قعرهـــا  ترميكم

ليدين بعد إنعافـن
          لا عــٰـــــاد ينغسلن ولا ينظافن
إنتم اللي جفتـــوا وهن جـــافن
         يهدي الله ويبعد اللي مخاويكم

دومكم علي اللي تحبوا
         زيدوا على إيدهم وروسهم كبوا
قريب تجـــــونا  تكفروا  وتسبوا
          ولا بي أتوبـــوا ربنا  باليـــــــكم

حسيبنا الله العالم
          ينصر اللي مضلوم ماللي ضالم
وينجي اللي سالم  [ يروح غانم]
       ويكشف اللي مستـٰـــور ويعريكم
3 ماه پیش در تاریخ 1403/01/15 منتشر شده است.
9,463 بـار بازدید شده
... بیشتر