රෑ පැල් රකින | Re Pel Rakina - Abeywardhana Balasooriya, Niranjala Sarojini

රෑ පැල් රකින කුරහන් පැහෙනා හේනේ
මගෙ තනි නොතනියට නුඹවත් නැතුවානේ
හෙට දින නුඹත් දීගෙක ගිය පසු නෑනේ
මාසේ පෝය දා වාගෙයි ගම්මානේ

එගොඩහ ගොඩේ ඉස්මත්තෙදි දුටුවාට
ඇල කණ්ඩියේ ඉඳගෙන අත වැනුවාට
මගෙ හිතු මනාපෙට මං බහ දුන්නාට
නාඩන් මස්සිනේ පෙර පිං නැතුවාට

හැදුවේ ගෙපැල මට තනියෙන් ඉඳින්න ද
බාලේ ඉඳන් බැඳි ආලේ බිඳින්න ද
රෑ තුන් යමේ මේ හැටි දුක් දෙවන්න ද
හීනෙන් මිසක හැබැහින් එක් නොවන්නද

නෑනා නැතත් කල දවසක් ගෙවෙන්නයි
සිටු කුමරියක් කරකාරෙට ලැබෙන්නයි
පත්තිනි ගම්භාර දෙවියන් රකින්නයි
කුරහන් කපන දා මා සිහි කරන්නයි

රෑ පැල් රකින.....

ගායනය - අබේවර්ධන බාලසූරිය, නිරංජලා සරෝජිනී
ගේය පද - ආචාර්ය අජන්තා රණසිංහ
සංගීතය - සරත් දසනායක

අබේ - නිරංජලා විශිෂ්ට ගී එකතුව

#balasooriya #balasuriya #niranjala #niranjalasarojini #sarojini #70s #repelrakina