Xəzər Süleymanlı-Səndən yaman küsmüşəm (Bəxtiyar Firuzənin şeiri)

şeir: Bəxtiyar Firuzə
səs: Xəzər Süleymanlı
piano: Vüsal Namazlı

Hey yuxuda görmüşəm Oyanmışam ki, yoxsan.
Süst qalıb heykəl kimi, Dayanmışam ki, yoxsan...
Sənsiz neynim sevinci, Yayınmışam ki, yoxsan.
Sən məni gəzməsən də, Mən səni hey gəzmişəm.
Səndən yaman küsmüşəm...

Eşqimi çiçək kimi dəstələyib, dərmisən.
Qəlbinə sancmamışdan, ayaq alta sərmisən
Səndən ürək ummuşam, sənsə əzab vermisən
Daha xəyalınla da haqq-salamı kəsmişəm.
Səndən yaman küsmüşəm...

Qəm yazdın taleyinə, qədərinə sevginin
Sənsiz necə dönüm mən sipərinə sevginin?
Bolluca qəmlərinə, kədərinə sevginin,
Sən insansan dözmədin, mən dağammış dözmüşəm.
Səndən yaman küsmüşəm...

Gözlərimə görünüb ilğım kimi yox oldun.
Səndəmi bu taleyin tərəfinə yıxıldın?
Məndən nə tez bezikib, yad ünvana yığıldın?!
Demək, sənin üçün mən duyğusuz bir kəsmişəm.
Səndən yaman küsmüşəm...
Səndən yaman küsmüşəm...

#xezersuleymanli #xəzərsüleymanlı

• #music
• #xzr_sleymanli
• #xezer_suleymanli
• #vusal_namazli
• #vsal_namazl
• #piano_by_vn