قلبك وين | الشيخ حسين الأكرف | يوم 16 صفر 1444هـ

Al Akraf الأكرف
Al Akraf الأكرف
12.7 هزار بار بازدید - 12 ماه پیش - [ قلبك وين ]الشيخ حسين
[ قلبك وين ]

الشيخ حسين الأكرف
كلمات: رضا درويش

يوم 16 صفر 1444هـ
حسينية آل ماجد - كربلاء المقدسة
الهندسة الصوتية: استوديو الترابي
مخطوطة: حسين مقيم
__________________
تسألني قلبك وين؟
قلبي يـزور احـسين
جايب له دمعة عين   تشبه رقية
***
دربي لا تسأل إلوين
الدروب كلها لحسين
والـحـنين
من يحين
أحــَجِـز أول تــذكـره.. مـــا أقـــدر افــراق
أربعين شوق ومرسال
أربـعين والـدمع سـال
والــــولاء
كـــربــلاء
وطبعي من طبع (الزياره) أمشي و أشتاق


يـمَـلَّاك الـمـشاعر يــا عـشـق مـكـتوب
على هيأت قدر
محد في الدنيه مثلك منذبح مسلوب
مَلَك هاي البشر

ضريحك روح وأنفاس
وكـلـمـا تـكـثـر الـنـاس
جـماله يمطر احساس.   على العشاق

قـبرك يـبو الأحرار
من معجزاتك صار
كـلمن يزروك.. زار.      الله و نبيه
***
كلشي في كربله غير
الحزن..عايش ابخير
و  الأذان
كل مكان
(يوم عشرين ابصفر.. يوم الزياره)

كـلشي فـي كـربله ايـنوح
وصوته من داخل الروح :
واحسين
واحسين
من يقوم الساعه يتلگى الحيارى

محرم ما خلص.. توّه يهِل عاشور
فيْ توقيت الظعن
ترى في كربله حتى الهوا مكسور
او بالخيل انطحن

(مـحـرم ثـانـي) يِـبْـدي
وحادي ادموعي يحدي
وأنـه قـلبي اعـله خدي.   تشب ناره

زيـنـب إجــت بـالـراس
واتــنـادي يــــا عــبـاس
ويــنـك يـبـوالاحـساس  إنهض إليه

***
سـيـدي مــو بـيديه
مصرعك يجري بيه
و الجروح
وين أروح
ألقى بيساري ويميني صورة اضلوع

أمشي في كربله بوْيل
أي جهة صعدت الخيل
وجم وريد
يــا شـهـيد
شافته عيني على هالرمضه مقطوع

فيْ كل خطوه أحاسب يمكن ابهالصوب
نزف قلبك.. دمه
اخــاف أمـشـي يـبـواليمه عـلى دمـعات
جرت من فاطمه

أحس ابكل شبر.. دم
وأثـر خـاطر.. تـهشم
اشـــم نـــار الـمـخيم  وصوت ادموع

فـي كل مكان امصاب
ودمعه عليها احجاب
وكسرة قلب واعتاب     ونّه خفيّه
***

چنه صوت ينزف اجراح
(لا خله او لا عدم) صاح
امن الضريح
چن.. يصيح
مرحبه بضيوفي كلها و قرة العين

زايــري يــا هـلا بـيك
كل سنه أسأل اعليك
چم مـلك
يدعي لك
وأي كثر الله يحبك..زاير احسين!؟

يريتك زايري حاضر وأنه عطشان
و أنه قلبي جمُر
قبل لا يصعد ابرجله على صدري
ويذبحني الشمر

قبل لا زينب اتشوف
أبوفاضل بلا اجفوف
ودم الحسره مذروف   من الصوبين

يــا خــادم الـزوار
اسمك مع الأنصار
يـل دمعتك مدرار.     أجرك عليّه
__________________

الموقع الرسمي
http://husseinalakraf.com/

__________________

تابعونا عبر وسائل التواصل:
الانستغرام: Instagram: alakraf_ofc
الفيس بوك: Facebook: alakraf.ofc
الساوند كلاود: SoundCloud: alakraf_ofc
تويتر: Twitter: alakraf_ofc

__________________




#الشيخ_حسين_الأكرف
12 ماه پیش در تاریخ 1402/05/29 منتشر شده است.
12,792 بـار بازدید شده
... بیشتر