Kirtidan Gadhavi | Jo Shajar Sukh Gaya Vo Hara Kaise Ho | Urdu Ghazal | Bhubaneswar Morari Bapu

Kirtidan Gadhavi at Moraribapu Ramkatha

urdu ghazal by kirtidan Gadhavi

jo shajar suukh gayā hai vo harā kaise ho

maiñ payambar to nahīñ merā kahā kaise ho

dil ke har zarre pe hai naqsh mohabbat us kī

nuur āñkhoñ kā hai āñkhoñ se judā kaise ho

jis ko jaanā hī nahīñ us ko ḳhudā kyuuñ māneñ

aur jise jaan chuke haiñ vo ḳhudā kaise ho

umr saarī to añdhere meñ nahīñ kaT saktī

ham agar dil na jalā.eñ to ziyā kaise ho

jis se do roz bhī khul kar na mulāqāt huī

muddatoñ ba.ad mile bhī to gilā kaise ho

duur se dekh ke maiñ ne use pahchān liyā

us ne itnā bhī nahīñ mujh se kahā kaise ho

vo bhī ik daur thā jab maiñ ne tujhe chāhā thā

dil kā darvāza hai har vaqt khulā kaise ho

jab koī dād-e-vafā chāhne vaalā na rahā

kaun insāf kare hashr bapā kaise ho

ā.īne meñ bhī nazar aatī hai sūrat terī

koī maqsūd-e-nazar tere sivā kaise ho

kin nigāhoñ se use dekh rahā huuñ 'shahzād'

mujh ko ma.alūm nahīñ us ko patā kaise ho

• #entertainment
• #moraribapu
• #ramkatha
• #katha
• #evening
• #programme
• #kirtidan_gadhavi
• #jo_sahjar_sukh_gaya_ho_hara_kese_ho
• #bhbuneswar_ramkatha
• #moraribapu_ramkatha
• #kiritdan_gahdavi_santvani