Bannuarmi | Ilokano Translation of Bagani, Quincentennial Theme Song

“BANNUARMI” (Our Hero)
Ilokano translation of “Bagani,” 2021 Quincentennial Commemorations in the Philippines Theme Song
Written and Composed by Roel Rostata, Arranged by Jungee Marcelo
Translated to Iloko by Djuna R. Alcantara (GUMIL-City of San Fernando, La Union), Aby Esteban and Jed Rosario
Arranged for Iloko Singing by Abegail A. Esteban (Musician/Composer- Bauang, La Union)
Performed during the 171st founding anniversary of La Union

Berso 1

Uksobem ti buteng iti barukongmo,
Ipariknam ti laingmo
Tumakder a natured, biag ‘toy lubong sangeum
Ti balligi arakupem
Tulongam ti kaduam ken ipangruna,
Saan a guyoden iti baba
Pannakikadkadua ken bayanihan,
Saan la ti bukod a pagimbaan

Pakauna a Korus:

Padasentayo nga ipukkaw ken aremen
Ti napintas ken naraniag nga agsapa
Sika ken siak agkaduata,
Ti masakbayan, sabatenta!

Korus:

Bannuarmi, Bukbukodmi
Mannakigubat a Filipino!
Naindaklan nga Ilokano!
Bannuar a Filipino
Iti moderno a panawen!

Berso 2:

Awatem ti imak agpinnetpetta,
Mangtun-oy ti balligi, aggidanta
Ituloytay laeng iti agpanday,
Talek iti Dios armas ken tarabay

Pakauna a Korus:

Padasentayo nga ipukkaw ken aremen
Ti napintas ken naraniag nga agsapa
Sika ken siak agkaduata,
Ti masakbayan, sabatenta!

Korus:

Bannuarmi, Bukbukodmi
Mannakigubat a Filipino!
Naindaklan nga Ilokano!
Bannuar a Filipino
Iti moderno…

Bannuarmi, Bukbukodmi
Mannakigubat a Filipino!
Naindaklan nga Ilokano!
Bannuar a Filipino
Iti moderno a panawen!