گوجرانوالہ پولیس کا وزیر اعلی پنجاب مریم نواز شریف کے ویژن کو عملی جامہ پہنانے کی جانب ایک اور قدم

گوجرانوالہ پولیس کا وزیر اعلی پنجاب مریم نواز شریف کے ویژن کو عملی جامہ پہنانے کی جانب ایک اور قدم: “وومینز انکلیو” کا قیام۰ ایک ایسے سنٹر کا قیام عمل میں لایا گیا ہے جو کہ خواتین کے لئے ایک رپورٹنگ سنٹر بھی ہے جس میں پولیس کے علاوہ تین اداروں سے متعلقہ درخواستیں بھی وصول کی جاسکیں گی۰ گھریلو تشدد، ریپ، ہراسمنٹ، سائبر ہراسمنٹ، وراثتی جائیداد کا قبضہ نا دینا، کام کی جگہ پر ہراسانی وغیرہ کی شکایات نا صرف وصول کی جائیں گی بلکہ ان کا مداوا بھی کیا جائے گا اس کے علاوہ “وومینز انکلیو” صرف خواتین کے لئے ڈرائیونگ سکول بھی ہے اور خدمت مرکز بھی جہاں پر لیڈیز سٹاف ہی گوجرانوالہ کی خواتین کو بہترین سروسز مہیا کرے گا۰ “وومینز انکلیو” کے پینل پر نا صرف خواتین وکلا ہیں بلکہ خواتین سائیکالوجسٹ بھی ہوں گی جو کسی بھی حادثہ یا تشدد کی صورت میں خواتین کی کونسلنگ کے لئے دستیاب ہوں گی۔