Loha-Sung,composed and written by Chinmayi Tripathi

Written and composed by Chinmayi Tripathi
Artist Links


www.facebook.com/chinmayitripathi
www.instagram.com/chinmayitripathi
https://open.spotify.com/artist/2SBaW...


Lyrics
Ahankar ke reshon se ek kila bana tha
Lagta tha lohe ka hai na kabhi mitega  
Rehkar usmein ahankarnagri ka Raja
jaane kab khud ko bhagwan samajh baitha tha!

Bhool gaya tha kitne aaye gaye hain peeche
Mitti mein hain dafan kahan avshesh kisi ke
Lakhon hamle huye na patta bhi hilta tha
Kila na Bhed sakega koi-Yo lagta tha.

Ek Barsati hawa ka jhonka aisa aaya
Aur ho gaya vo jo koi taad na paya  
Kile ki deewarein dhad dhad kuch aisi dheh gayi
Mano sookhe patton ka koi mehel rakha tha

Ai-sa bhi hoga raja ne kab socha tha
Jo na socha vo na hoga-ye dhokha tha
Apni hi vaanar sena ban jaaye bairi
Hai, apni nagri mein hi kaise lag gayi lanka

Kabhi kabhi jab shor bahut ho-kam dikhta hai
Nayi roshni mein jab dekha toh ye paya
Loha toh bas naam matr ka laga hua hai
Jab gatte par raakh ki kalikh poti jaaye aur uspar chamkeeli mehengi lightein badhiya
Lohe jaisa lagega lekin ye bhram hoga.
Lohe jaisa lagega lekin ye bhram hoga.

#indiemusic #indiesongs
#poetry #chinmayitripathi #kavyaraag #music #satire #election2024 #hindisong #hindisong