Anna Identici - Son la mondina (Subtítulos en galego)

Himno das traballadoras italianas do arroz.
Á memoria de María Margotti.
Subtítulos en galego (activar en barra inferior cuarto icono pola dereita).
A mondina era a traballadora estacional dos campos de arroz en Italia.
O traballo da mondina, estendido no norte de Italia entre finais do século XIX e principios do século XX , consistía en permanecer encorvadas días enteiros, con auga ata os xeonllos e cos pés descalzos, para eliminar as malas herbas que crecían nos arrozales.
Era un traballo moi penoso, realizado por mulleres de baixa extracción social, procedentes xeralmente de Emilia-Romagna , Véneto e Lombardía , que traballaban principalmente nos arrozales das provincias de Vercelli , Novara e Pavía . Dos  arrozales de Molinella xorden, entre outras, as primeiras protestas da historia para mellorar as condicións de traballo e vida.
Ademais das pésimas condicións laborais e sanitarias, o salario das mulleres era moito máis baixo que o dos homes. Isto aumentou a insatisfacción que a principios do século XX provocou axitación e loita. A reclamación principal, pretendía limitar a xornada laboral a oito horas e logrou alcanzar algúns resultados entre 1906 e 1909 , cando municipios enteiros de Vercellese aprobaron regulamentos que recollían as reivindicacións das traballadoras do arroz.

• #music
• #son_la_mondina
• #hymn_composition_type