ياسر التويجري: قصيدة نجد !

#كواليس_ياسر_التويجري #ابيات #شعر #قصيد #قصيدة #ياسرالتويجري


يسعد صباح الشامخات الشواهيق
….  روس الجبال النايفات المطلّه
اللي  يلولا آبان والنير  و طـويق
…. لا اقول ما فيها عذاريب والله
يا نجد يا ثومة ما بين المعاليق
…. عليك لا طروك بيض الاجله
مربى الرجال اهل الوجيه المطاليق
…. عز الدخيل اللي سخى به محله
ترعى مفاليها البكار المعاتيق
…. ترعى سماها ناضحات الاهله
دارٍ مراتعها الهدا والتوافيق
…. وخيرٍ تضيق ابه الصدور المغلّه
عيالها ما هم بمثل المخاليق
…. يقدمون الموت على المذله
وشبيانها ماهم بشرابة بريق
…. لا بهرت عسرات الايام دله
تضيق الارض ونجد لايمكن تضيق
…. ورفا الجناب اللي علينا مضلّه
تضرب لها كبود الخفاف اللواحيق
… من كل فجٍ فيه للحي مله
ما كبروا فيها الزبيل الحداديق
…. يوم الزمان اللي على جال مله
رمضاً ذحاح وصلي نار وسواحيق
… والموت معه البينه والادله
رسوا دعايمها كبار السراديق
اللي ما تلحقهم بمنقود لله
شيوخها يوم انها ناشفة ريق
…. قبل يفيض اللي بشرقي مشله
صفوة هل العوجا الكرام المغاديق
…. اللي عليهم ياقف العلم كله
للشاعر ياسر التويجري