عصام كريم شكراً 2021

شكراً لان صحيتني  وداويت جرحي بلجمة

وشكراً  لان جنت الدرس  القرا وما مفتهمه

مصدوم صح ابروحتك بس  الوجع هم نعمه

مرات لو راح النبض :- يحتاج كلبك صدمه

بلطيبه كبلك مبتلي واحجي الالي ول مو الي

شكراً لان خليتني احسب احساب الكلمه

الينخاني جنت اركض اله:-

ونرجع سوه من المشكله
وسالم يرد هوه الهله
واني اطب لهلي مدمه

حسيت بلطيبه ذنب
من كامت تدور غلب.. وياي حتى الغشمة


وجم ليل خنكة يمر علي..من المغرب لحد ما بدي طفيت اخر نجمة

ويبدي الصبح هم ضلمة

واحتار ما ادري الشمس جذابة لو اني اعمى

بس هسه لا كلشي اختلف.

صرت  افتهمهم من بعد .. لكلوبهم كلها حقد ووجوهم مبتسمه

وروح انت مبري الذمة

اني  الاطلعه من الكلب بعيوني ميت ينحسب.. لو ميت روح بجسمه

وتعلمت من انسأل.. عنك وع الراحوا قبل
مو عاليموت اعله العدل كتلهم الله يرحمه

• #entertainment
• #issam_kareem