النفس الطروبة | جفران بن هضبان | 2024

للتواصل والاستفسارات الحسابات الرسمية : bio.site/i505 الابيات : تو ما حل الظلام و زانت لحون الحدايا وتو ما هبت هبوب الشعر فالنفس الطروبه شاعرٍ لا فر مسباحه خذى ارقاب المطايا و شاعرٍ لا فر مسباحه على الساحه عقوبه ولا انا شاعر مديحه فالرياجيل الدهايا ولا طلب له شي لو يمرح ماعنده غير ثوبه حاجةٍ ماهيب كسب يديك ما توخذ عطايا اجتهد والله يحقق لك ما تطلب كل نوبه لا توصيني يا متعب بالقصيد و بالحمايا و انت مادحك الزمان اللي مسببه عجوبه طيبٍ طيبك مع ربعك مثل دهم الرفايا ومع من يعاديك ما دورت لا اجر ولا مثوبه انت اخو نايف و نايف طيبٍ ما به حكايا ما يصد اعن المقام اللي هله قد انتخوبه ابلجٍ فعله يجمل عون اهل عوج السرايا تقترن كلمة نعم ب اسمه ماغير تلد صوبه تربية عودٍ ما صد الا عن دروب الخطايا و الدروب اللي تجمل وقفته تبقى دروبه شايبٍ يارد و تارد مع موارده الضمايا لازم يورد بني عمه على عدٍ حكوبه درب عياله على يا مرحبا قدم البرايا لين صارت مرحبا دايم توافق مع سلوبه مرحبا في محفل اهل الطيب عذبين النوايا الرجال اللي محافلهم تنمّ اعن العروبه مرحبا ترحيبٍ ابين من جبال الهامالايا و عد ما ساق الخيال اللي دنى وارخى نصوبه مرحبا من منفذ الخفجي ليا سبت العلايا فالضيوف و ذي عطيه مرحبا تسعين نوبه في محلات الدهاه اللي صحايفهم ملايا بالفخر و المجد والتاريخ يتعب و اتعبو به الموازين اهل الصفرا و خِلان المنايا في نهارٍ فيه بني المجد طوبه فوق طوبه لا انتخن من يلبس العمّه عماهيج الصبايا كم عقيدٍ طوحوا راسه على القبا اللعوبه اشرس اللي قد نزل في نجد واكثرهم دهايا ومن وقف ف نحورهم مالوا لقومه وابطشو به الولد فيهم مزهّب ل الممات ول القضايا والرجل حلال دعوىً كايده لا من مشو به ؛)