يالله اليا ضاقت عليك التساهيل شيلة استكنانيهه | عبدالرحمن ال نجم | + mp3

يالله ليا ضاقت عليك التساهيل  شيلة| أداء : عبدالرحمن ال نجم |  + mp3
رابط التحميل
http://e.top4top.net/m_251zqz62.mp3

يالله ليا ضاقت،،،عليك التساهيل
وعليك ماتصعب الامور الكليفة
فيك الرجا لاوقفن المحاصيل
وصكت مغاليق الظروف العنيفة
اقبل دعاء من مد لك تالي الليل
ايديه وانظر له بعين لطيفة
وتغني من اصحاب الفلل والمداخيل
اهل التجارة والرتب والوظيفة
على الليالي حِيل وأيامها حيل
انظر لهم فوق الجبال المنيفه
يوم اصبحت سود الليالي مشاويل
لا اقحت وجرد غيب الايام سيفه
لقيت جرح اظن من كذبة ابريل
ينزف على شاش الحقيقة نزيفه
ابحتفظ في اللي بقى دون تفصيل
بارشيف مكنون الضلوع النحيفة
من قبل يدري راعي القال والقيل
وتشوف خافيها العيون الكفيفة
ما فات مات وفي السنين المقابيل
بتصير كدرات الخواطر نظيفة
واحتجت ،،والحاجة تحد الرياجيل
على متاهات الدروب المخيفة
حاجة وانا مبغي من احد مواكيل
دين عذابي منه راح النصيفة
دين عذابي راح منه النصيفة
واستعجلوا ولا فلا به تثاقيل
من فضل من ينشي المطر من قنيفه
رحت لخليفة قبل ما اروح لشعيل
ولا قضى اللازم شعيل وخليفة
لا ماقف في ساعة الحط والشيل
ولا ماقف في ملزمات خفيفة
عساهم فدى متعبين المعاميل
نظراتهم في الطيب ماهي قصيفة
تسعى لقول "ونعم" وإن جاهم الميل
امضى وأحدّ من السيوف الرهيفة
شروى محمد واسمه الثاني سهيل
اي والله سهيل اليماني وصيفه
درع الخوي بحر الكرم شاعر الجيل
يشتد به محزم قصيرة وضيفه(ضافي)
ما قلت في ابن فطيس ما اوفيت بالكيل
لو الاذاعة تنقله والصحيفة
ما نمدحه وابغي من المدح تسهيل
امدح وانا مدحي لزومي رديفه
ديني قضيته قبل بدع التماثيل
لا لي هدف و ديار وضعي مريفه
لكن طرا لي يالرجال المشاكيل
طيبه وعثرات الرخوم السخيفة
مايجحد المعروف غير المهابيل
اللي مكان الذل ماهي تعيفه
وصلاة ربي عد وبل المخاييل
ما ناض براق المزون برفيفه
على رسول بالهدى جاه جبريل
من واحد عينه بخلقه لطيفه