أغنية سلّم على من سلم علىّ ثلاثين مية . للراحل محمد مرشان .

أغنية : سلّم على
ــــــــــــــــــــــــــــــ

كلمات الراحلة : خديجة الجهمي والمعروفة ببنت الوطن ، رائدة العمل النسائي والإذاعي في ليبيا فترة أربعينيات القرن الماضي ولغاية بداية الثمانينات .
لحن و أداء :  المطرب الراحل محمد مرشان ، وقد تغنى بهذا العمل فترة ستينات القرن الماضي رحمه الله .

ــــــــــــــــــــــــــــــــــــــــــــــــ
تقول كلمات الأغنية :

سلّم على من سلم عليّ .. يا ثلاثين مية
و على عدّ موج .. البحر بالوقية
سلّم على من دموعه دوالي و عز الغوالي
و على ريد خذا من رحالي
و احكي على ما يقاسي خيالي و الفكر جالي
و على ولف ما ينتسى مدعاه غالي
أهديله تحية .. و على قد ما بعدت دياره عليا
و احكي على ما تقاسي الميامي و كثرة غرامي
و علي قد ما ذكر مدعى أيامي
و قلبي على من يواسي منامي و شوقي الظامي
و ف البعد ينشد و مستني سلامي
وصافي النية .. و ما يوم فكّر و  لا دار   سية
سلّم على من بقلبه معايا
اللي صاين هوايا
و على ولف ما يوم ايبدل غلايا
و لا يجيه يوم ايبدلني منايا و ينسى اهنايا
و لا ايهونيش و لا يكثر شقايا و لا دار  سيّة
و سلملي عليه .. على عد النجوم بالسوية ...