多倫多vs溫哥華：實測「衣食住行」開支，好大分別？(內符有用免費網站) **留意Safeway比較貴，建議大家用Walmart APP已經可以隔空慢慢比較！【施家・#移民】#加拿大 #溫哥華 #多倫多

想移民加拿大，多倫多定溫哥華好？移民要考慮開支，今次同各位實測當地生活物價！ **留意Safeway比較貴，建議大家用Walmart APP已經可以隔空慢慢比較！ **關於多倫多及溫哥華衣食住行影片，小弟誤以為溫哥華Safeway及Walmart係同一級數，在此公開道歉，不好意思！🙏🙏 其實好白痴，亦有人留言，根本去溫哥華Walmart已經可以apple to apple比較，非常同意，實在小弟白癡。不過numbeos網站係我去世界各地教學好工具，大致消費係準確嘅（有啲係極準確），而網站亦有定期update而且免費，去旅行、移民前真係一個好工具，好過咩參考都冇。啦，我冇贊助㗎。👍 其實最大問題係令新朋友誤以為，移民加拿大一定要去多倫多，而事實上，我已經唔止一次講溫哥華嘅好處，特別係天氣、加上距離近香港，投資方面，溫哥華嘅房地產租務政策、地理亦都十分利好投資，所以溫哥華房地產連贏多年，只係今年比多倫多贏返一年，生活水平梗係好啲高啲啦。今晚係"我要做世界"channel，EP3就係溫哥華，你可以聽聽我講嘅嘢，識得我耐都知道我嘅夢想係「無處不在」，我鍾意學新嘢，唔會設前置唔鍾意一啲人同地方，最後蝕底係自己🥺。事實上，我去溫哥華只有兩日，一日睇樓，另一日已經係講座。講座內，我亦再表明我會投資溫哥華房地產，並且仔女大個啲，兩公婆chill chill地一定會住吓馬來西亞、LA/SF、及溫哥華😍。我可能應該喺片入面，將以上好處重新講一次，感覺比較平衡一點吧？無論如何，呢個資訊處理白痴咗，非常抱歉！🙏下次會特別fact check，或者匆忙時唔拍資訊性影片😂 但本人要澄清一點，以上事情，冇可能亦唔代表我會叫大家嚟多倫多，就係可以撐多倫多樓市，我自己就可以得益。影片views數嚟講，比較3000萬人口，點郁個市呀😏？我咁多時間咁間接去郁個市，不如去睇樓直接啲啦！本人嚴正聲明，請呢一位(只係一位朋友)嘅指控／誹謗為十分失實，呢種陰謀論實在R爆小弟個頭。😒 其實琴晚反而令我諗吓呢個頻道初衷係乜嘢？🤔呢個channel而拍vlog為主，其實以view數已言，係我擁有嘅所有channels最"失敗"，其實食嘢要拍嘢，食得已經凍晒、明明去旅行可以舒服啲都要set cam拍intro、B roll，真係諗過唔拍慳好多時間。但係最後都未放棄？就係因為views低，所有仍然願意觀看嘅都係真心想了解加拿大嘅朋友，甚至真心關心我哋屋企嘅朋友😍。一個星期入面，已經撞到4個subscribers，大家都話拍多啲家庭片啦，食食吓飯都走嚟say 👋 唔識嘅點會嚟嘥時間啊？hi都唔會啦😍！就係呢啲支持已經係無價。另一個原因就係，我發現我哋全家都好鍾意睇返我哋啲vlogs～哈哈，我發現有拍vlog嘅嘢，小朋友記憶深好多。無論如何多謝大家支持！🙌 所以橫掂都拍，不如將我知嘅嘢都慢慢分享俾大家，等大家嚟到加拿大係生活，唔係生存，我自己亦都要提醒自己，共勉之！其實，溫哥華又好、多倫多又好、Calgary、英國、美國、馬來西亞都好，住邊度都好，家人最重要。學英文、搵學校唔係為仔女將來？搵錢儲錢唔係為多啲被動收入，多啲時間倍屋企？🥹 如果係為新來加拿大港人好嘅，我哋唔應該分化，反而團結💪！最新消息，加拿大推前香港嘅救生圈計劃，會係2月完結。我可以做嘅就係幫我香港後生嘅同事，安排佢哋過嚟做嘢。大啲年紀嘅，或者畢咗業好耐嘅就要用返傳統方法啦：請5個本地人可以幫一個攞PR，再用埋安省提名幫多一個，再啱啱請咗個open work permit嘅香港人。但係我一個人力量好有限，你估我真係開Microsoft咩，我買咗佢股票咋🙈 其實如果第日要去返攞分機制做PR真係好難㗎！你有公司嘅可以做以上嘅嘢，你有錢可以做安省提名，如果你有時間嘅可以分享資訊俾香港人，我哋撞過板嘅，佢哋唔洗再撞。🙏（記得要fact check fact check）。 越來越多youtubers拍加拿大片，我哋團結嘅力量可以大過媒體，剪草搵邊個、點樣攞Costco卡、咩係G1牌？長遠落去小朋友入小學、小朋友入中學、甚至搵大學搵工，我哋一路可以成長落去💪我哋當時嚟加拿大，甚至94年我媽媽帶我嚟嘅時機，唔係最軟弱、最需要有人幫手咩？我一個人力量有限，但我有一個平台，佢有一個平台，互相分享，準備嚟加拿大嘅朋友行少好多冤枉路。💪 #施家加四個 #加拿大 #溫哥華 #多倫多