DD News Mizoram - Chanchinthar | 30 June 2024 | 6:30 PM

DD News Mizoram
DD News Mizoram
28.6 هزار بار بازدید - 3 ماه پیش - HEADLINES:1. Assembly Dy Speaker Pu
HEADLINES:

1. Assembly Dy Speaker Pu Lalfamkima chuan nimin khan NH-6 huam chhunga RTP farm leh Sethawn inkar leh Kawnpui Quarry bula Kawng siam mek tlawhin, Contractor chu chak zawka hna thawk turin a chah.

2. Judicial Service Officer leh Public Prosecutor-te tana buatsaih 'Orientation Programme for New Criminal Laws', Thawhtanni liam ta atanga neih chu nimin khan khar a ni.

3. MJA General Headquarters member-te chuan nimin khan Suaka Cricket Stadium, Sihhmuia tlawhin tihchangtlun hna thawh mekte an enfiah.

4. Vawiin hi India sorkar leh Mizo National Front (MNF)-ten Inremna Thuthlung 'Mizoram Peace Accord' an ziah champha, Remna Ni vawi 38-na niin, 'Mizoram Peace Accord' hi inremna thutlung hlawhtling ber zinga mi nia ngaih a ni.
(Interview of Zoramthanga & Lal Thanhawla included)

5. Champhai District Khawbung Block Resource Center hnuaia School thenkhat, Hands on Skill Training hnuaia  IT & ITES trade thlangtute hnenah Khawlhthluaknei hnathawh dan, a hman dan leh tunlai khawvela a tangkai dan chi hrang hrang zirtir an ni.

6. Vawiin hi BCM ni pawimawh, Sunday Sikul kum chanve exam a nih angin BCM hnuaia tualchhung kohhran hrang hrangten Sunde school an exam.

7. Ministry of Home Affairs sum cheng nuai 116 vel senga Tlabunga helipad chei that hna, nikum hmasa atanga tan tawh chu zawh fel a ni tawh.

8. Vairengte leh a chhehvela kudamte thuneituten tunhnai khan enfiahin, kudam 20-a kuhva bag 9635 awm chu khawi che lo turin an hriattir.

9. Khawvel ram dangte rualin Mizoram-a Seventh-day Adventist kohhrante chuan nimin khan 13th  Sabbath an hmang.

10. Prime Minister Narendra Modi chuan mipuite hnena thu a sawina hun, " Mann Ki Baat" ah kumin Lok Sabha Inthlanpui neih zawh tak chu khawvel huapa inthlanpui neih tawh a lian ber a ni, a ti.

11. Prime Minister Narendra Modi chuan Vice President hlui Venkaiah Naidu chanchin ziahna bu chu biakhmuhtheihna kaltlangin a tlangzarh.

12. Kum 11 hnuah India chu ICC Men’s T20 Cricket World Cup 2024-ah a Champion.

13. Misual leh dan bawhchhiate hremna dan thar pathum, Major Criminal Law,  Bharatiya Nyaya Sanhita (BNS), Bharatiya Nagarik Suraksha Sanhita (BNSS) leh Bharatiya Sakshya Adhiniyam (BSA) chu naktuk July 1 atang hian India ram pumah hman tan a ni dawn .

14. External Affairs Minister Dr. S. Jaishankar chu vawiin hian ram pahnih chungchang sawi turin Qatar a tlawh dawn.

15. Chief Of Army Staff atan General Upendra Dwivedi chuan  a mawhphurhna a la tan.

Follow DD Mizoram:
Facebook: DDNewsMizoram
Instagram: ddnews_mizoram
Twitter: DDNewsMizoram
3 ماه پیش در تاریخ 1403/04/10 منتشر شده است.
28,607 بـار بازدید شده
... بیشتر