#Trendingkalam2023 | Almadad Khwaja e Deen | Studio Version | Manqabate Khwaja | Hafiz Ilyas Barkati

◦•●◉✿بسم اللّٰه الرحمٰن الرحیم✿◉●•◦

سورج کو بھی شرمادے ذرّہ مرے خواجہ کا
دریا کو ڈبو دے اک قطرہ مرے خواجہ کا
ہے ہند کی ہر شۓ پر قبضہ مرے خواجہ کا
خُشکی مرے خواجہ کی دریا مرے خواجہ کا

المدد خواجۂ دیں
ہند کے  ماہِ مبیں

خورشیدِ زمیں  تم  ہو  مہتابِ  گگن تم ہو
زہرا  کے  لہو   ابنِ    سلطانِ   زمن   تم  ہو
اللہ کی رحمت سے بخشش کی کرن تم ہو
اجمیر کی دھرتی پر اور  جلوہ فِگن تم ہو

المدد خواجۂ دیں
ہند کے  ماہِ مبیں

اللہ نے بخشا ہے عالَم میں تجھے اعجاز
مرشد کو ترے تجھ پر اے خواجہ بڑا ہے ناز
ہے تیری سخاوت کا شاہوں سے جدا انداز
جھولی کو مری بھر دو اے میرے غریب نواز

المدد خواجۂ دیں
ہند کے  ماہِ مبیں

لاکھوں کو مرے خواجہ نے کلمہ پڑھایا ہے
بھارت کے مقدّر کو خواجہ نے جگایا ہے
کشکول میں خواجہ نے دریا کو سمایا ہے
اللہ کی قدرت کا کیا جلوہ دکھایا ہے

المدد خواجۂ دیں
ہند کے  ماہِ مبیں

"کشمیر" سے "تامِل" تک اُس کا ہی علاقہ ہے
بھارت کا ہر اک ذرّہ اُس کا ہی اثاثہ ہے
کرسی پہ کوٸی بیٹھے کیا اِس سے غَرَض ہم کو
تاحشر مِرا خواجہ اِس ہند کا راجہ ہے

المدد خواجۂ دیں
ہند کے  ماہِ مبیں

رحمت کی فضاٶں میں باخیر چلے جاٶ
دنیا کی محافل سے رُخ پھیر چلے جاٶ
ملنا ہے اگر تم کو بھارت کے شہنشاہ سے
لو اذن بریلی سے اجمیر چلے جاٶ

المدد خواجۂ دیں
ہند کے  ماہِ مبیں

گردش سے  پریشاں  دل  حالات کا مارا ہے
غم اِس کو ستاۓ یہ کب تجھ کو گوارا ہے
طُغیانی  میں  کشتی ہے  اور  دور کنارا ہے
اے  ڈوبتوں کے  والی  اب  تیرا  سہارا  ہے

المدد خواجۂ دیں
ہند کے  ماہِ مبیں

ظلمت کی نَفَس کو پھر یا رب تو دھواں کردے
اجمیر کے گلشن سے اب دور خزاں کردے
فتّین مجاور کو یا راہِ ہدایت دے
یا اِن کو زمانے سے بےنام و نشاں کردے

المدد خواجۂ دیں
ہند کے  ماہِ مبیں

ایوبؔ نہ بھولے گا  خواجہ  ترے احساں کو
سیراب  کیا  تو   نے   امت  کے  گلستاں  کو
پستی سے بُلندی  دے پھر قومِ مسلماں کو
تسکینِ اَتَم   دے  دے  ہر قلبِ  پریشاں  کو

المدد خواجۂ دیں
ہند کے  ماہِ مبیں

✍🏻از محمد ایوب رضا امجدی کولکاتہ غفرلہ
#trendingkalam2023