چَهبارا، هِند آ دَیَگْ یک سیاهین رۆچے #ChabaharTradeRoute #ChabaharExpansion #ChabaharPort
701 بار بازدید -
20 ساعت پیش
-
چَهبارا، هِند آ دَیَگْ یک
چَهبارا، هِند آ دَیَگْ یک سیاهین رۆچے
هندُستانئے آپی جِهازانی وزیل سیزده ماه می آ گۆن اَدارُکی کرادادا که چُنْتے ماه پێشا هَلاس بۆتَگ، پَہ دایمی کراردادئے دَزْنام کنَگا که رند دَه سالا وَتاوَتْ نۆکَ بیت وچهبارئے سَرجَمین مدیرَیَت هِندئے دَستا دَیَگَ بیت ایرانا یہتگْ. گُوَشَگَ بیت که ای کرارداد پہ دُوئین مُلکانی مالی گُلِشْتا بازْ اَسَرمَنًد اِنْتْ.
هنُدستانی ڈَنّی وَزیل پیشتِرا گُوَشتگَتْ گۆن ای کراردادے دزنام کنگا، بۆتَ کَنت مزنین سرمایَهانی یارَگئے راه پہ چهبارا پَچ ببیت. ایران گۆن ای کَراردادئے دزناما که چهبارئے سرجمین مدیریت هِندئے دستا ببیتُ ده سالیئین کرارداد، دَهمی سالئے آهِرا وَتا وَت نۆک بِبیت و هر وَڈین هِلاپئے دیما آیَگا، هنُدستانا هلاپئے داوریئے سِنْدَگئے هَکّ مَنْ وُتی عدالَت جاهان ببیت، تسلیمِ هندستانی لۆٹ واهَگان بۆت.
اے سَرجَهل کَنۆکین کرارداد چۆ که آ دِگَر نمونه چُش که روسے چێروکانی کراردادا اِنْت. اے وَڈین شَرم آرۆکین و گیێر زِمَه وارین کرارداد پَرْ زر و مالے دَست آرَگا پر دُزی و اِختلاسِنت. چۆشین کرادادانے نَپْ و سوت رِجیمی مَزَن اگده دارانا رسیت و هاک پُرْ من هَنْدے مردمانی چمّان مانَ بیت.
ایران و اوگانستانی گُپّت گُوَیی دیوانئے تہا هچ بلوچی را دیوانئے بهر زۆرَگئے اجازت دَیَگ نَبۆتَگ. تَنْتَنا دیوانی چاهی دَیوک امنیتی لهازا گیئر بلوچ بوتَگَنت.
بے مهارین تورم و گرانی آ اِبَید، سدے شست گیش بلوچ مردم سک باز بزگا من چَهبارئے کِرّ و کَشان که شہ برگ، آپ ، کار، سلامت و چُکّانی وانگئے دَزْرَسی آ زِبَهْرَنت، کُڈُکان و کاپارانئے تها نندوک اَنت که مُداما دولتی سپاهی ای کِرّو کَشْئے نندۆکانی کُڈْل و کاپاران مردمئے سَرا لُمبینَنْتْ.
ای بَزگین بلوچانی مکابلا، دولتی مردم ودولتْی هاکمانے پَدْریچ، هندی، چینی و اوگانستانی تاجر من مزنین ویلا هان من بلندین جاگهان که دریا گِندَگَ بیت زِندَ گوازیننت. بلوچ مردم و چهباری اصلی باشندهانا، ناداری، گرانی، پَسات جَن و چۆپ، پاهو و کشتار من راه سَران آوانی زِنچِک گِپْتَگْ و مدام بے اِزَتَ بنت.
ایرانئے اسلامی جمهوری، چَهبارا مُلکئے رۆدَرآتکی نیمَگئے دیمرَویئے نگین و تَلاهین دروازگ پَہ مَزن دریاهانَ گوشیت و هَمے ماهۆلا گۆن مکرانی تیاب دپانی دیمرَوی نیمۆنا، گیئر بلۆچ من تیاب دپان یارگ و نادینگے بندُ بَسْت هست اِنْتْ تا بلوچ مَنْ وُتی سرزمینا کَمْتِر شہ گیئر بلۆچان بِبَنت و گچینکاریان بلوچ مَکَٹَنت و گیئر بلوچ ، بلوچستانا جَمِیَتی هسابا صاحب ببنت .
هِندُستان پَہ وُتی نپ و سۆبئے برجاه دارَگا دائمآ بے هچْ ردے اے هَمُک وَهدا من سازمان ملل متحد و آیی ادارَهان ایرانی پشتا اۆشتاتَگ. بلۆچ مردم شہ اے کَراردادا هچ وَڈین نَپْ و سوبی بِگیئر دو یا سئے نپر بی اِهْتیارین مدیرکه دولت پَہ وتے تبلیگاتا پائِده چستَ کنت زۆرَگَ بنت. بلۆچ مردم شہ هر وَڈین شئور و سلاهی وُتی منتَکِهئے بارَوا محروم کنگ بؤتَگَنتْ. تَنتَنا چَهبارا گیئشترین تاکسے هَلائینوک و دکاندار گیئر چَهباری مردم انت.
چَهبار گۆن وُتی جَمِیَتی هسابا گیئشترین درسَدِا کِر و کَشئے شهری نِندۆکے هَستِنْت. ای مردم یا چَهباری کدیمی اَسْلی باشندَه اَنت و یا بلوچانی اَنت که پہ وَڈْ وَڈین دلیل چۆش که واری، بے کاری، هارو تۆپان، ڈکّال، کشارات و دَلْوَتانی نابودی شہ کَلَّگ و دیهاتان لَڈِتَگ و پَہ لُنْکَهی نانئے اُمیتا چَهْباری کِرّو کَشان نندۆک بۆتَگَنْتْ. ای دوشنبه پَہ بلوچا سیاهین رۆچے شُمارِنْتْ، چیّا که بازین بلوچستانی زمینے به ڈَنی بیگانَهان گۆن یک شرم آورین کراردادی دَیَگ بۆتَگ.
اے کرارداد شہ هَر تَک و پهناتے چارَگ ببیت، ضِدِ ملی نَپ و سۆتان و سَک باز ضد چَهبار عَهدی باشندَهان اِنت.
ای نبشتانک شہ واجه عبدالستار دشکی نبشتانک زۆرَگ بۆتَگ.
1. #ChabaharPort
2. #IranGateway
3. #StrategicChabahar
4. #ChabaharTrade
5. #ChabaharEconomicHub
6. #ChabaharDevelopment
7. #IranianPort
8. #MaritimeChabahar
9. #ChabaharLogistics
10. #ChabaharExpansion
11. #ChabaharInnovation
12. #ChabaharInfrastructure
13. #ChabaharConnectivity
14. #ChabaharGrowth
15. #ChabaharTransport
16. #PortOfChabahar
17. #ChabaharInvestments
18. #ChabaharStrategicPort
19. #ChabaharOpportunities
20. #ChabaharTradeRoute
These hashtags should help cover various aspects of the port and its significance.
#رژن_ٹی_وی #بلوچستان
t.me/rozhn_tv
اینستاگرامءِ تاکءِ لینک
www.instagram.com/rozhn_tv
یوٹیوبءِ لینک
/ @rozhn_tv
#رژن_ٹی_وی #بلوچستا
#زاهدان #سراوان_بلوچستان #خاش #مهرستان #پهره #چهبار #کنارک #زرآباد #راسک_سرباز #قلعه_گنج #رودبارجنوب #نرماشیر #بنگلان #جاسک #میناب #میرجاوه #بمپور #بمپشت #دشتیاری #جکیگور #چان
Welcome to Rozhn TV
our Balochi media platform, a dedicated space for the Baloch people to foster journalistic culture and political awareness. As the inaugural Balochi TV channel in Iran, we take pride in our role as cultural ambassadors, actively promoting and preserving the rich tapestry of our heritage and traditions. Join us on this exciting journey as we strive to empower our community, elevate journalistic standards, and celebrate the essence of Balochi identity.
20 ساعت پیش
در تاریخ 1403/07/09 منتشر شده
است.
701
بـار بازدید شده