ذكرى محمد الشاهي ( اوقات عشية)

حبيبا سكن في عيوني
لايهون لالا بدايل
ومن غير ما ينشدوني
بالقول عليه انتهايل
يحبوا وما يلحقوني
صادق و موش قول قايل
ومن حقهم يحسدونى
على حب ماله مثايل
ومن حقهم يكرهوني
المحروم يكره الطايل
ولو بيش مهم غاروني
ما نبدله بعمر زايد
ّّّّّّّ

أوقات عشيه
في هدرزة شاهي
تلاقوا عليك وغيروك عليا
أوقات عشيه
ّّّ
أول ما بدا الشوهاي..جبد سيرتي
وتقول كان امعاي.
علي حد قوله كيف مني جاي.
عارف أسراري اوما عليه خفيه
في هدرزة شاهي
ّّّّّ
وين ما جلب براده
فتح بابه عدوا فيه كيف العاده
وعاداتهم جيب الخبر واعواده
ولا حد منهم قال عيب وسيه
في هدرزة شاهي
ّّّّّ
حطوا احذاك الشاهي
لقيوك طارب ياعزيز وزاهي
ومن قبل عادتهم خراب الباهي...
.سبايل عليك اتجيب الكلام علياااا
في هدرزة شاهي