法證先鋒VI|黃宗澤 蔡潔 袁偉豪鐵三角回歸 王敏奕人間蒸發成查案軸心
16.8 هزار بار بازدید -
4 هفته پیش
-
法證先鋒VI|黃宗澤 蔡潔 袁偉豪鐵三角回歸 王敏奕人間蒸發成查案軸心
TVB新劇《法證先鋒VI倖存者的救贖》星期一晚就會登場,劇中演員黃宗澤Bosco、蔡潔、袁偉豪、王敏奕Venus、馬貫東、傅嘉莉Kelly、戴祖儀Joey、林正鋒、郭珮文Juliana等現身宣傳活動。
法證先鋒VI|黃宗澤 蔡潔 袁偉豪鐵三角回歸 王敏奕人間蒸發成查案軸心
TVB新劇《法證先鋒VI倖存者的救贖》星期一晚就會登場,劇中演員黃宗澤Bosco、蔡潔、袁偉豪、王敏奕Venus、馬貫東、傅嘉莉Kelly、戴祖儀Joey、林正鋒、郭珮文Juliana等現身宣傳活動。
席間演員們劇透少少情節畀觀眾,Venus會承接上一輯演重案組角色,今輯一開始就同余Sir Bocso結婚,兩人到日本度蜜月期間,Venus莫名其妙人間蒸發。難怪Bocso都話Venus嘅角色好重要,但就最悠閒,要最尾嗰集先搵到佢。
蔡潔、Bosco同袁偉豪集合法醫、鑑證同重案嘅鐵三角組合承接上一輯回歸角色系列,大家嘅默契有所昇華,由於今次合作變得更熟絡,嘈咬鬥嘴都多咗,所以三人都會將日常互寸大家嘅細節加插劇中,令觀眾睇起上嚟更有生活感,蔡潔更大讚Bosco暖男為演員提供愛心湯水。
而Bosco喺Man姐佘詩曼主演嘅《新聞女王》最後一幕以彩蛋姿態出現,阿佘都有出Post為《法》劇宣傳,唔通阿佘都會以彩蛋現身劇中?Bosco笑指自己係閒人所以做彩蛋,冇本事請得郁阿佘,相信係有賴劇集監製鍾澍佳嘅邀請喎。
唔少上集有份演出嘅演員今輯會以全新角色出現,好似馬貫東同傅嘉莉就會演兩夫妻,二人多次合作,默契十足,傅嘉莉率先透露佢嘅身份係其中一位幸存者,喺劇中係情緒擔當,而馬貫東則是動作擔當。
劇中嘅重案組亦加入新血,包括戴祖儀、林正峰同郭珮文等,郭珮文自我介紹角色時指自己最主要係「遞報告」,令全場爆笑。而戴祖儀就話雖然好多戲份係飲咖啡,但都拍咗好多晚通宵。
《法證先鋒VI倖存者的救贖》8月12號起 星期一至五晚 20:30 翡翠台
#法證先鋒VI倖存者的救贖 #黃宗澤 #蔡潔 #袁偉豪 #王敏奕 #馬貫東 #傅嘉莉 #戴祖儀 #林正峰 #郭珮文 #新聞女王 #佘詩曼 #Man姐 #彩蛋 #鍾澍佳
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
4 هفته پیش
در تاریخ 1403/05/21 منتشر شده
است.
16,813
بـار بازدید شده