شيلة تخرج الملازم عبدالرحمن المنشد فهد المسيعيد الشاعرخلف المهدي الملازم عبدالرحمن ناصر مطني الجميلي

بالبداية قلت أسمي واتلو السبع المثاني
بعدها أقرا ماتيسر من كتاب الله ونصه


واسأل الله الذي قال استجيب لمن دعاني
عل ياقاني صواديف الزمان ومن انغصه
من فضل ربي ماتلقى الا النوادر بالمحاني
تشبه لصف الذهب لاصار رصه فوق رصه
كلمتي لاجابها فكري وترجمها لساني
كنها شلفا معزي تضرب العظم وتقصه
إن سمعها اللي يودك غنى يالاله ياداني
وإن سمعها المبغض ايظن إن مقصودي يخصه
كيف ما أبدع والقصيد موجه لراع العواني
ناصر اللي يفخر التاريخ لاسطر قصصه
الأمير اللي بطيبه يفتخر قاصي وداني
في علوم المرجلة حصته عدت كل حصه
فاتح ديوانه لربعه وللي جاه عاني
ماهو من اللي لجاه الضيف بسنابه يقصه
يلفي المضيوم عنده فاقد كل الأماني
وإن طلع من مجلسه كنه متوج بالمنصه
الأمور ليا أدلهمت واختفى الكذبان باني
رافع راسه ليا من غاب بلاسه ولصه
شامخ فيه انتنومس كنه سهيل اليماني
من عثره الوقت لو إنه عدوه جاه نصه
مدته في كل موقف مالها حد ائتماني
هو نجاة اللي حيله وقفت والوقت هصه
سيرته عطره تدرس للبشر عبر الزماني
يستحق يدون إله كتاب قصة وألف قصة
ألف مبروك التخرج للولد وأحلى التهاني
وعسى النجمة يعلق جنبها تاج ومقصه
الأسد خلف شبل ماعودت عشره ثماني
وارث من سلم أبوه ولاسمع من قال وصه
من علو في علو ماعرف معنى الطماني
الفخر يزهاه كله ما قبل ربعه ونصه
والخبيث الحاسد اللي مال نظراته أماني
عل عينه في نحره وفي حشاه تصير غصه
…………………………..
الفكر رايق ونفسي بالفرح مسروره
والشعر حالة تأهب زاهب بسلاحه
والقصايد لو تسامت كلها مكبورة
والشعر لو جاك من غيري معي مفتاحه
افضخ عيون الحسود لياطلع من طوره
واحترم راع المبادئ لو زمانه شاحه
رغم ماني بالحفر والجو فيه حروره
والله إن كني على قمة جبال الباحه
ياملازمنا المظلي عمك أبدى شعوره
وعبر إلك بهالقصيدة نشوته وافراحه
والله إنك شمعة الليل البهيم ونوره
ياسندنا بعد ربي ياحديث الساحه
طير حرٍ رافع الهمة مهي مكسوره
ما ألتفت للي يلوّح واجذبه ملواحه
نيوتن أشعل من زمنه إليا زمنا ثوره
كلها صارت بسبة طيحت التفاحة
وانت عنوان الفخر واستاذه ودكتوره
تربية رمز الكرم له سيرتن فواحه
ناصر اللي تعكس لنا من طبوعه صوره
الكريم وصاحب الفزعة ندي الراح
المشاكل لا تجلت تختفي بحضوره
حي فاله لاحضر في بشته ومسباحه
ماخذا طيبه بكثر المال والا دوره
يجري بدمه جبلّة ماحسب لارباحه
وارث من طبع أبوه ومن كرمه وشوره
مطني الله يجعله في جنة فساحه
الأمير اللي ترك له بصمة مشهورة
لو كثر من عقبه أهل الهرج والمداحه
وجده محيف على الطلح وعلى المعمورة
من يبيه يقربه واللي مايبغى زاحه
وزع القلبان في جو الحدق في دوره
واستفاد من العطا اللي جاء عقب مسراحه
من الاساطير اعتبره وورث الاسطوره
والحقيقة ماتزعل والصراحة راح
بن منيجل هو سنام المجد والباكورة
لو قصير الباع بيّن بالرخا مصباحه