ARŞIN MAL ALAN NİYƏ GÖSTƏRİLMƏYƏCƏKDİ

Arşın Mal Alan filmi az qala göstərilməyəcəkmiş. Gəlin sizə bu barədə danışım.
Bildiyiniz kimi, ən məşhur Arşın Mal Alan 1945-də çəkiləndir. Lakin film həmin uğuru heç də asanlıqla qazanmayıb. Film komissiyadan keçməsi üçün Moskvaya aparılıb. Həmin dövrdə də müharibə yeni bitdiyi üçün insanlar çətinliklər çəkirmiş. Moskvanın özündə də müharibənin təsirləri hələ də duyulurmuş. Elə buna görə də, filmə etiraz ediblər ki, müharibədən təzə çıxmışıq, nə oynamaq? Deyilənə görə, filmin nümayişini dəstəkləyən dahi rus rejissoru Sergey Eyzenşteyn olur. O, filmdəki əhval-ruhiyyəni bəyənir və müharibədən çıxan xalq üçün belə əyləncəli filmlərin vacib olduğunu deyir. Bundan sonra film nümayiş olunur və uğur qazanır. Bəs 1945-ci ildəki versiyada oynayan hansı aktyorlarımızı tanıyırsınız?