ക്രൈസ്തവ മതപരിവർത്തനം ജാതി ഇല്ലാതാക്കില്ല ! | Dr Vinil Paul

ചരിത്രകാരനും കാലിക്കറ്റ് യൂണിവേഴ്സിറ്റി, ചരിത്ര വിഭാഗം മേധാവിയുമായിരുന്ന ഡോ. ജോൺ ഓച്ചന്തുരുത്തിൻ്റെ സ്മരണയ്ക്കായി രൂപീകൃതമായിട്ടുള്ള ജോൺ ഓച്ചന്തുരുത്ത് മെമ്മോറിയൽ അക്കാദമി ഓഫ് ഹിസ്റ്ററി (JOMAH) യുടെ ആഭിമുഖ്യത്തിൽ 2024 മാർച്ച് 8 ന് എറണാകുളം ആശിർഭവനിൽ സെമിനാർ നടത്തി.

"ജാതീയത കേരള സമൂഹ ജീവിതത്തിൽ" എന്ന വിഷയത്തെ പുരസ്കരിച്ച് നടന്ന സെമിനാർ കണ്ണൂർ ബിഷപ്പ് ഡോ. അലക്സ് വടക്കുംതല ഉദ്ഘാടനം ചെയ്തു. ഡയറക്ടർ ഫാ. പയസ് ആറാട്ടുകുളം, ഡോ. ആൻ്റണി പാട്ടപറമ്പിൽ, ഡോ. ഗ്രിഗറി പോൾ മാത്തച്ചൻ അറക്കൽ എന്നിവർ പ്രസംഗിച്ചു.
ഡോ. അജയ് ശേഖർ, ഡോ. മാളവിക ബിന്നി, ഡോ.വിനിൽ പോൾ എന്നിവർ പ്രബന്ധങ്ങൾ അവതരിപ്പിച്ചു. ജോയി ഗോതുരുത്ത്, പ്രൊഫ. ഇഗ്നേഷ്യസ് ഗൊൺസാൽവസ് , ഷാജി ജോർജ് പ്രണത എന്നിവർ മോഡറേറ്റർമാരായിരുന്നു.