تركي السلات & خالد ال بريك - بشرو عشاقة الصيف ياللي فالشمال 2023

لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" سنابي "

Snapchat: u511a



شوفة الحوال تخلق شعور من الخيال
نشوتةٍ ماضن قلب البليد يذوقها

سوم اصادفهم مسافر مانيب مع الحلال
ولاعرفهم غير روحي وقوة شوقها

ودي اوقف واحول واصوت يارجال
المواتر خلو الطارفه بسوقها

عاد انا فالابل واهلها ليا جالي مجال
اتفنن فالقصيده وزين طروقها

قافي اللي ماتغيب لاقيل القاع سال
ووجهت بدون هواها تطنف نوقها

جعل ربانن تخلع من المزن الثقال
هضبة ام عنيق وبله يهله فوقها

ليتني لو اقدر اطير لاخيل خيال
لين اشوف جبال ورشه واشوف عروقها

بشرو عشاقت الصيف ياللي فالشمال
خلو ووساع الكباري تضيق حلوقها

المطر سبل غشينه على بيض العبال
ماوطاله رقه الا بعث مشقوقها

بين اللي دمدمتها السوافي بالرمال
خد يفتقها وخدن يخيط فتوقها

دافنن فيها من الوسم في ماض الليال
ديرتن عن كل ديره يابين فروقها

سعد من فرع مع حجول قدام الزوال
مع طرف وضحاً قرون الدهور عموقها

وولع المقهور فهله وجا فيه اشتعال
والمطارق فالمفاريد حامي سوقها

وامهات عيال ترجع وترثع فالعيال
كل مطفوقه تبا تختطف مطفوقها

علقتهن فاطرن يوم كان ولا يزال
تسرح وتضوي وهي ماهدا طاروقها

ماحلا شوف الشتيله على مد الزوال
حق هجمة شايب قايمن بحقوقها

دايم وبوشه له الفرق في طيب الحوال
وعارفن وش مستوا الريم من معروقها

لا انفصخ لباد مفرودها فصخ الجلال
خطرن امه حمل كبر السنام يعوقها

ناسيّن سعر العلف والصوامع والغلال
والتريله واقفه فاضين صندوقها

وري سقساتن بعدها ماصار الال لال
استكارات الصعيبي تلاوح فوقها