Ballen Bda || مەرزیە فەریقی - بەڵێن بدە

‎به‌ڵێن بده‌ که‌ تاریکیم بۆ ڕاناخه‌یبه‌ڵێن بده‌
‎که‌ شه‌خته‌به‌ند ناکه‌ی به‌رپێم
‎منیش به‌ڵێنت پێ ده‌ده‌م
‎دان به‌ ڕابردووما بنێم
‎پێش چاوی تۆ
‎له‌ په‌رداخی وه‌نه‌وشه‌ییی
‎چاوی ترم پێک هه‌ڵداوه‌
‎پێش نامه‌ی تۆ
‎قژی گه‌لێک نامه‌ی ترم داهێناوه‌
‎پێش سنگی تۆ
‎زۆر سنگی تر
‎چه‌پکه‌ گوڵی ته‌زووی سووریان بۆ چنیوم
‎پێش ژوانی تۆ
‎زۆر ژوانی تر
‎ڕێگه‌ی دووریان پێ بڕیوم
‎شاعیرێک بووم
‎گه‌رووی وشکم
‎به‌ دوای قومێک ئاودا وێڵ بوو
‎بۆ بارانی هه‌ر ئاسمانێک نووشتامه‌وه‌
‎ئاوی لێڵ بوو
‎گه‌ر ده‌ته‌وێ
‎خوێنی ده‌ماری شیعرم بیت
‎داستانێک بیت بێ کۆتایی
‎گه‌ر ده‌ته‌وێ
‎خۆشه‌ویستیت به‌ دوایدا نێت
‎ماچی ساردی ماڵئاوایی
‎به‌ڵێن بده‌ ئاسمانم بیت
‎به‌ڵێن بده‌
‎هه‌ناسه‌م بیت،سێبه‌رم بیت،بارانم بیت
‎تاکو منیش
‎شانۆی کۆنم جێ بهێڵم
‎ده‌مامکی ڕووم فڕێ بده‌م
‎دووباڵی پڕ خۆشه‌ویستیم
‎له‌ گه‌رده‌نت گرێ بده‌م