Tus neeg toj siab tseem tos | Kawm muas

TUS NEEG TOJ SIAB TSEEM TOS

paj txiv duaj twb tawg paj thawv zaws twb nras
paj haum tsav tawg dawb vog
txiv pos daj uas cos kab nqos kav kuv niam quaj      
kab zuag koj mus nyob rau qhov twg

txiv duaj dawb twb siav mi nplej liaj twb ntaus cua ntxiag
pob kws nplaum txhawv ntxhuav liab vog
kuv tseem niaj hnub tos niaj hmo ua npau suav pom
tias koj twb rov qab los lawm no

koj mus nyob nram nroog ntshe yog mus tau zoo
tau mus nyob nkaum ntxoo tau mus nyob hauv tsev AIR
sawv ntxov haus Coffee tav su haus pepsi  
tsaus ntuj noj nqaij kib koj thiaj li tsis nco kuv lawm  
lub neej noj pob tsawb ev kawm ev khib ev taws  
ntshe yog koj dhuav lawm koj thiaj tsis rov los

mi nplej caug twb daj mi nplej tag twb txhawv txhij  
mi noog nplim ya quaj nrov xiv
tej mi taub mi dib txi txi ntog dawb pes vog
txhuas yam tseem nrog kuv nyob tos koj  

lub neej nyob pem roob tsis muaj xov tooj siv
tsis muaj pesi haus tsis tau saib TV
koj thiaj lis tsis tig tsis rais rov qab los
koj thiaj li mus nyob dhau lub sij hawm lawm ntau
twb txog lub caij ntuj tsaug nag tsauv los tshias lis tshis
no no ntsim ntsim vim tsi muaj koj nrog kuv

lub neej nyob hauv sab dej tsaws tsag ntws dawb paug
mi noog daum dab laug quaj kau  
txawm noj mov ntxuag zaub xwb los nyob kaj siab lug    
txhua hmo txhua hnub kuv tseem tos koj
paj nroj paj hmab tawg ntsa li iab    
tus neeg toj siab tseem nyob tos koj

Kawm muas 08/10/2019

• #entertainment
• #tus_neeg_toj_siab_tseem_tos