Ey təbibim - Səxavət Məmmədov

Sentyabr 2020

Ey təbibim daha yox dərdə dəvamım neynim.
Od tutub yanmadadır cismidə canım neynim.

Gecə ta sübhə kimi ahu fəğan etmədəyəm.
Dayanıb dövr eləmir nəbzidə qanım neynim.

Ərşü əladə xuda yerdə pənahım sənsən.
Bir sənə bəlli olur dərdi nihanım neynim.

Səbri eyyubi görün məndə də var azca əsər.
Səbrdən başqa şeyə yoxdu gümanım neynim.

Tapmıram mən səbəbin ki nə bəladır çəkirəm.
Dəyməyib kimsəyə bir zərrə ziyanım neynim.

Aşinalərdə uzaqlaşdı görüb əhvalımı.
Hamını zar eləyib ahu fəğanım neynim.

Ənvərəm şükr edirəm ki hələlik var nəfəsim.
Ürəyimcə dövr eləmir dövri zamanım neynim.

    Müəllif:  Ənvər Ağaverdi oğlu