محمد النصري جديد يا يمه - اغاني سودانية 2018

جديد الخُـرافي محمد النصري يـُـمــَّه كلمات : أ. خالد علي عبد الرحيم ألحــان و اداء : محمد النصري إيقاع : عبد المنعم العوض _______________ تَمْرُق وتَفِج اوجَاعا وتَجَي داخلة بِالأفراح ليكِ السَمَع والطَاعه حَدْ عُمري فيهو سَمَاح رغم المِحَن واتباعا البَسْمَه تلقى بَرَاح يَلْصِف وشيكي وداعه والرَحْمَة تَكْسِي وِشَاح ضِيِق الهِمُوم ووسَاعة جَنْبِك تَهون وإرتاح وأحْضَان تَفِردي شِراعَا ورِيح المَحَبَّة صَلاح ليلِك تَقَضِّي ضَرَاعَة وكيلِك أحَرْسُو صَبَاح خَطَوات دُعَاك وإسرَاعا تَحْمِيني تَبقى سِلاح تدِيك بِكُلِ قَنَاعة حِناً يَفِيض ينْدَاح ولِلبال تّطوِّل باعا وبَسَماتا تشفي جراح مِن غيرا مافي نَفَاعة لازِم نحِبّها صاح ونَبْقالا شوفا سَمَاعا وقُوة وضُرَاع ونَصَاح يُمَّة النَفِس طَمَّاعة والدُنيا زي رَحْرَاح حَظ اليَبِرِّك وبَاعا وضاع النِسَاكي ورَاح يا يُمة شِعْري تَدَاعَى وعِطْر الكَلام نَضّاح ريدك يزيدني مناعة ويَملا البَوادي سَمَاح عَطْفِك تِلال وزِراعة وصْفِك جَمال وكِفاح نِيتِك بَيَاض ونَصَاعة عارِف رِضاكِ فَلاح لا الدُنيا دايري مَتَاعَة لا كايسَه فِيها ارباح كُلِّك وقَار ووراعة قولِك قِبول ونَجَاح