【HSBC停用信用卡後 x 蘋果網店】停不了的悲情故事- part 3

【HSBC停用信用卡後 x 蘋果網店】停不了的悲情故事- part 3
好多家長都會上網買電腦畀小朋友，但係用信用卡嘅時候記得要留意中伏位。
第一條片：
匯豐我多得你唔少part 1 為何~偏偏選中我？ 又或者係，每一個匯豐嘅信...
入邊提過我已經停用被網上盜用嘅信用卡，但係古怪事情就陸續發生。點解4月3號我用咗$68,000買蘋果電腦，喺完全冇驗證碼嘅情況底下就過咗數，應該係話，我自己都唔知係咪已經過咗數，因為完全冇任何通知，之後即時消費網上賬單亦睇唔到。4月14日發現畀人喺外國盜用account，匯豐幫我停咗張卡，但15號發現網上蘋果娛樂商店話我洗咗$47,000同埋$1,100， 我再打電話去匯豐，佢話我11號授權，所以14號停卡都唔關事，唯有15號過數。我同佢哋講11號我冇授權，所以唔係太知網上娛樂消費左啲乜，印象中冇用過蘋果任何娛樂服務。
尋日，蘋果商店廣州職員打電話畀我嘅同事，大約問我關於信用卡過數情況，問我哋收咗貨未，我同埋同事其實有啲唔係太明白點解唔搵卡主本人傾，但唔緊要，始終之前買嘅電腦到咗、收咗貨，但係點解$68,000會變咗做$4,7000…..至今依然係一個迷......
匯豐係咁，蘋果又係咁，咁係唔係下次一定要帶現金去實體店先至係最安全？之前第二條片提過，多咗人用Debit Card：
HSBC 我真係驚咗你 part 2
係咪代表好過Credit Card?
所有顧客服務熱線都係由廣州人接聽，多數都係背書，當然，由香港人接聽都有機會係背書，但係我真係唔知發生緊啲乜嘢事，日期、金額，甚至同我對數嘅職員資料全部都係錯......佢哋銀行唯一做嘅嘢就係話遲啲回覆我，但係結局都幫我自動轉賬過咗啲數！
下一條片，我會講吓匯豐打電話嚟，問我點解會持續消費而又減低信用額，我反問佢點解張卡停咗都可以持續消費，佢答唔到我。咁我而家點算？
第一條片太長，唯有分兩條出街。希望提醒我身邊嘅家長，而家我好似多咗一份工，就係專責同客服傾偈。
真的心很累！