شيلة "بشروني بالسعد" .. كلمات: د. عبدالرحمن بن حسين السند .. أداء: عبدالله البرازي

شيلة مهداة لـ سعد بن حسين السند بمناسبة قدوم حفيده (سعد)


الكلمات:


اطربي يا مزنة الشعر البهيه
عقرب الساعه يغني يا ثواني

وارحبي ثم ارحبي بالشاذليه
والعبي في صدر عوجان المحاني

كنها تلعب على صوت اقمريه
قِدْم عيني مهرةٍ تلفح وزاني

جت تقول: الله يبارك في مجيه
في سمي العود شغموم الزماني

ما توانت في بشايرها العذيه
لان عود لسانها بعذب التهاني

في حضور العود قدّمنا سميه
بشروني بالسعد والسعد جاني

مرحبا بك يا سعد بالسامريه
من بكار الشعر جزلات المعاني

جدك اللي تطبخ براسه الحميه
جدك بن حسين هو ذرب اليماني

مكرم الضيفان راعي المقدرية
قبلة المضيوم من شام وعماني

الفعول سمان ما جاته عطيه
من ذوي محمد وسيعين البطاني

العمام الروس عن مدحي غنيه
والخوال وهيط مرخين العناني

في نهار مصامخ الروس الشقيه
انشد التاريخ يعطيك البياني

السلامه ما ركبناها مطيه
من بحر جده إلى شرق العداني

حيّ منهو قد تهيّا مع خويه
وعقّب اللي في المواقف ما يباني

من كريم الشان يا طيب الهديه
ومن بديع القاف وكفوف الأماني

أبرك الساعات وأغلاها تحيه
في مجيّك زان طاروق الأغاني