زعلان اجيتك من عرفتك زعلان ! جديد الشاعر محمد الطالقاني 2023

( الشاعر والاعلامي #محمد_الطالقاني )

حساب الانستاگرام 👇🏻

https://instagram.com/mohammed_altala...

حساب الفيس بوك👇🏻

https://www.facebook.com/profile.php?...




اطفأت ذاكرتي وعدتُ لواقعي
لارى خطى الدمع انحت لخطاكا

بين ازدحام النبض كُنتَ حكايةً
تروى بشوقي و الحنين يراكا

قد عدت من حرب الدموع مبللاً
لكن قلبي كان من قتلاكا

انساك كيف و انت تملك مهجتي  
واخذتني من عالمي لهواكا

وسرقتني مني لما لم تكتفي ؟
ارخصتني واقول ما اغلاكا

كانت جميع الناس تطلب نظرتي
واراك وحدك بل اريد رضاكا


وارجع گبالك تعبان

ما جنت ادري المو نهر ما ينفهم للغرگان

رديت من حرب المشاعر خسران
محترگ دمي ومن فراغك بردتن

اي لومني ! وكثر عتابك معذور
بس لا يضل بخاطرك اي دخان

واترك حچي الحرگة انحچة بوقته وراح
انه اعتذرلك حتى لو ما غلطان

زعلان اجيتك من عرفتك زعلان

اسف اذا شايل عليه بگلبك

تدري الكلام المؤذي والبي تجريح
ماگلته لو ما اريدك وما احبك

مكسور خاطر ! حقك ! وما معذور  
ما چان ذنبك ! بس احبك ذنبك

جنت اشطب اسمك وين ما اشوف افراگ
و بكل حنين الگه اعتذاري يكتبك


هميت بيك بوقت بي ما اهمك
يا حرگة اعصابي وبرودة دمك

اذيتني ! ورديت يمك نيشان
چي خفت تغلط صرت ادلي بسهمك

چا عود تلگه انسان مثلي يفهمك ؟
يكتل احلامه لخاطر يضل حلمك

بذاك ازدحام اوقاته عايش يمك
تخيل ضحكته يريدها الا بعلمك

 حافظ اطباعك قبل ليعرف اسمك

خسران صحتي وكلت بس لا اخسرك !
ومو مهم عمري الله يطول عمرك

عاتبني بس هون عتابك وياي
جا مو مطول بالي طول صبرك

تدري اليحب ما يعرف يضل زعلان
وفراگ اليحبوك تكسر ظهرك

چنت انتقد كل عاشگ الگاه مهموم
ثاريها شو طاري الوداع يكبرك

اسف حبيبي ! رغم زعلان وياك
بس انه ما اعرف ابقى زين بهجرك