【18區搵食-IG榜上有名之4間西貢名物】

【18區搵食-IG榜上有名之4間西貢名物】遊客mode食爆西貢｜去到邊都有沙嗲牛｜不過今次唔食牛肉食面珠登｜服務態度頂呱呱嘅金雞去骨海南雞專門店｜海南雞皮爽肉嫩｜贈送嘅鹹魚蓉肉餅飯一樣冇得彈｜遊客必排鮮牛油菠蘿包｜層菠蘿皮堅脆｜冷熱交融超肥仔｜仲有酸甜嘅Frozen Greek Yogurt｜必點海鹽焦糖脆脆 介紹 0:00 牛牛1:09 金雞去骨海南雞專門店 4:27 西貢咖啡餅店 9:41 小滿定律 13:27 Y小編買手信 15:57 總結 18:58 今集同大家嚟到西貢搵食，而今日嘅主題係「西貢名物」，只要你喺IG打#西貢美食，今日食嘅4間餐廳必定榜上有名，一齊開啟遊客mode食爆西貢！ 第一間牛牛，唔少人推薦佢哋嘅沙嗲牛麵，未食之前心諗應該唔會中伏嘅，點知食咗一啖，點解會係咁嘅味㗎！沙嗲味一啲都唔濃郁，而且冇花生香，麵條雖然掛汁，可惜煮得太腍，冇晒口感。不過牛面珠登真係幾好食，肉質夠嫩嘅。至於鹽燒厚切牛脷芯，每粒牛脷夠厚，食到淡淡嘅鹽燒味道，不過咬到後面牛嘅羶味會出嚟@@ 第二間金雞去骨海南雞專門店，不論係服務態度定係食物質素都係拎滿分。去骨海南雞，雞皮金黃色，入口爽彈，中間仲保留到膠原蛋白，皮爽肉嫩，好食！油飯同樣出色，係屬於有底味嘅油飯，米飯偏硬但粒粒分明，食到有乾葱同炸蒜嘅香味，食晒成碗冇難度。同場加映，鹹魚蓉肉餅飯都好好食，咬開肉餅，鹹魚香氣大爆發，嚟到叫晒呢兩款飯實冇死啊！ 第三間西貢咖啡餅店，據聞係區外遊客一定嚟，仲要排隊買佢哋嘅菠蘿包。雖然一個要$18有啲貴，但層菠蘿皮真係脆卜卜！凍冰冰嘅牛油配新鮮熱辣嘅菠蘿包，冷熱交融嘅口感都咪話唔正！葡撻層酥皮夠香脆，值得一試～ 最後一間小滿定律，主打乳酪雪糕，可以自選3款配料同1款醬汁，店內有個十大配料排行榜，今次揀咗海鹽焦糖脆脆、咖啡蒟蒻同Brownies，個人最推薦海鹽焦糖脆脆，味道偏甜又脆口，配埋酸甜嘅乳酪雪糕一齊食好正啊！ 呢4間西貢名物你哋又食過未呢？ 喺西貢仲有邊間餐廳係必食？歡迎留言話我聽^^ 記得今晚9點準時上YouTube睇片喇～ 牛牛 地址：西貢福民路58號高富樓A座地下32號鋪 沙嗲面珠登湯麵 $50 鹽燒厚切牛脷芯 $48 金雞去骨海南雞專門店 地址：西貢福民路(食街)34號地鋪 去骨海南雞飯套餐（跟湯）$57 西貢咖啡餅店 地址：西貢海傍廣場2號金寶閣6-7號鋪地下 鮮牛油菠蘿包 $18 葡撻 $15 凍奶茶 $23 小滿定律 地址：西貢福民路58號高富樓地下3號鋪 Frozen Greek Yogurt $58 主持、撰文：Yvonne Lam 攝影、剪接：Doris Wong 美術：Anita Lam TalkFood 先填飽肚子再前進 YouTube : youtube.com/user/TALKFOOD Facebook : www.facebook.com/talkfood Instagram : instagram.com/talkfood?igshid=MTA0ZTI1NzA= 延伸閱讀： 【18區搵食-嚟天水圍唔去新北江 大把好嘢食！唔係唔食芒果煎肉餅啩？】    • 【18區搵食-嚟天水圍唔去新北江 大把好嘢食！唔係唔食芒果煎肉餅啩？】   【18區搵食-元朗4間名物值得一試？】    • 【18區搵食-元朗4間名物值得一試？】   【18區搵食-直踩火炭工廠買糕點之成功解鎖新體驗】    • 【18區搵食-直踩火炭工廠買糕點之成功解鎖新體驗】  

• #entertainment
• #
• #
• #
• #
• #
• #
• #
• #
• #
• #
• #
• #
• #
• #
• #
• #
• #
• #
• #
• #
• #yogur
• #t
• #
• #
• #
• #18
• #talkfood
• #talkfood