Ferhat Imazighen Imula - " Yir targit ... "

YIR TARGIT ...

Mɣin-iyid wafriwen
Yiwen wass ṛuḥeɣ ufgeɣ
Ddiɣ akw d igarfiwen
Nniɣ kra a t-idrebḥeɣ
Qqleɣ d agellid nsen
Qqaṛen-iyid ansa a ra-kkeɣ
Ur ẓṛiɣ zuɣṛaɣ-ten
Neɣ zuɣṛen-iyi qebleɣ
Γer welma anda i ttmettaten
Yemdukwal akken at neččeɣ
Akken i ttsuɣuɣ :
A nekki d-agarfiw !

Mlaleɣ-d yiwen useḥḥar
Iga akka qqleɣ d aṭarus
Yenna s tiṭṭ d yinzer ẓweṛ
Aḍaṛ ɣef tmurt ur yettrus
Afed kra yellan yeffer
Si tsekkurt arma d sibus
Mi dahmeɣ kra ar d-ikker
A s tid-jemεeɣ d amuṛḍus
Aḍaṛ-iw yezga yesgwer
Imi-w deg idammen yettɣuṛṛus
Akken i ttsuɣuɣ :
A nekki d aṭarus !

Armi dimi i dendekwaleɣ
I d-ukwiɣ ttwaɣit-iw
Kra i ttarguɣ akken tetteɣ
Kra i sɣuṛṛuseɣ akken deg imi-w
Ziɣen deg ifassen-iw i dermeɣ
Ččiɣ akw iḍudan-iw
Yegwra-yid tura ad cuddeɣ
Ma  d-ḥlun ideddicen-iw
Deg wassa ad galleɣ ur teqwleɣ
D aṭaṛus neɣ d agarfiw
Ass agini ad suɣeɣ :
A nekkini d alas !
A nekkini d amɣid !


- Feṛḥat Imaziɣen Imula  -