ചന്ദനം നട്ടാൽകാശു കിട്ടുമോ? മുൻ വനം വകുപ്പ് ഉദ്യോഗസ്ഥൻ സംസാരിക്കുന്നു | Karshakasree | Sandal

#karshakasree #manoramaonline #sandalwood

കേരളത്തിലെ കാലാവസ്ഥയ്ക്ക് ഏറ്റവും അനുയോജ്യമായ വിളകളിലൊന്നാണ് ചന്ദനം. ചില നിയന്ത്രണങ്ങളുണ്ടെങ്കിലും ദീർഘകാലാടിസ്ഥാനത്തിൽ കൃഷി ചെയ്യാൻ കഴിയുന്ന മികച്ചൊരു വൃക്ഷവിളയാണ് ചന്ദനമെന്ന് ഈ മേഖലയിലുള്ള വിദഗ്ധർ ചൂണ്ടിക്കാട്ടുന്നു. കേരളത്തിൽ ആരു ചന്ദനം കൃഷി ചെയ്താലും അതിന്റെ പൂർണ അവകാശം സർക്കാരിനാണ്. അതുകൊണ്ടുതന്നെ ചന്ദനമരം മുറിക്കുന്നതും ഒരിടത്തുനിന്ന് മറ്റൊരിടത്തേക്കു കൊണ്ടുപോകുന്നതും വിൽക്കുന്നതും വനംവകുപ്പു വഴി മാത്രമായിരിക്കണമെന്ന് സർക്കാർ അനുശാസിക്കുന്നു. ചന്ദനം വളർത്തിയാൽ അകത്താകുമെന്നും മുറിക്കുന്ന കാലത്തു ലഭിക്കുന്ന വിലയിൽ നല്ലൊരു പങ്കും സർക്കാർ കൊണ്ടുപോകുമെന്നും കരുതുന്നവരും ഏറെ. എന്നാൽ, ചന്ദനക്കൃഷിയിലും വിൽപനയും പേടിക്കേണ്ട ഒന്നല്ലെന്നു പറയുകയാണ് വനംവകുപ്പ് മുൻ ഉദ്യോഗസ്ഥനും മൂലമറ്റം സ്വദേശിയുമായ എ.ടി.തോമസ്. വീട്ടുമുറ്റത്ത് നട്ടുവളർത്തിയ ചന്ദനമരം മുറിച്ചു വനംവകുപ്പിലൂടെ വിറ്റതുവഴി മൂന്നു ലക്ഷം രൂപ ലഭിച്ചതായി അദ്ദേഹം പറഞ്ഞു. എന്നാൽ, കർഷകൻ എന്ന നിലയിൽ ചില കാര്യങ്ങൾ ചെയ്യേണ്ടതുണ്ട്. നടീൽ മുതൽ വിൽപന വരെയുള്ള കാര്യങ്ങളിൽ ശ്രദ്ധവേണമെന്നും അദ്ദേഹം പറഞ്ഞു.

Sandalwood cultivation
Money from sandalwood
How to get money from sandalwood