ايه من حرب الدول والراس عالي | فهد بن فصلا | 2024

احتفال الشيخ
نايف بن دهيم الحربي
بمناسبة تخرج ابنه المهندس
عبدالله

______________


نلبس لباس العـــز فوق المشاريف
يوم ان ضعيـف الحيـل قــام ايتذرّا

وشلون ينطح متعبين المخاويف
والخوف في قلبه لقاله مقرّا

من غاص بحر المرجله يكره السيِف
ومن عاش بالدنـيــا جبان ايـتـعــرّا

والحـــر لــولا مخلبــه والمجاديف
ما خالـــط العقبـــان ولا اسـتـقــرّا

والذيب نابه مايعرف التحاسيف
ياتي حلال القوم فره وكرّا

اللي يحسب حساب رخص التكاليف
المال حتى من يمينه تبرّا

والفعل ماهو في كثير السواليف
الفعل نجمن عايشن فالمجرّا

ومن مد جزل الطيب دون التحاسيف
يفرق عن اللي كيس ماله يصرّا

حنا نسندها كبار المعاريف
ولا قليل العرف رايه يسرّا

——————————————————————
ولا انت ياللي تحـرا جيتي وش تبي
والله لخلي هقاويك تضحيبها

جيتك وانا عارفن انك تحت حكم اشنبي
اسلم على لحيتك من قبل اشانيبها

ماتدري الذيب يطمع في لحوم الضبي
خلك على قد حجمك لاتجي ذيبها

ما يتفق مذهب الرديان مع مذهبي
اللي يموتون ماشفنا ذكر طيبها

والسيف والبشت مايرفع مقام الغبي
ناسن تصنّع ماراجلها وندريبها

احدن ليا من مدحته يرتفع منكبي
لا شاب قاف القصايد يختفي شِيبها

مثلك ياشيخ الفعول امعرب المنسبي
شيخ الصعايب يسهلها ويوفيبها

سيفن لربعه وسيفن لانصاه اجنبي
نايف بن دهيم نار العز  يرقيبها  

شيخن ولد شيخ والتاريخ له يكتَبي
يمناه تلوي خطام العسر واتجيبها

الطيب لو له لسان يقول هو مكسبي
والمرجله ماتبا الا نايف اصحيبها

في حفل عبدالله وقال ابشر بمطلبي
حقق طموحاته ويسهج مطاليبها

مبروك ياللي عزومه تدحم اللي يبي
والهندسه جابها واهدافه ايصيبها

هذا ولد نايف اسمه عالي المرقبي
نسل الحرار اللي اتنومس مخاليبها

———————————————————

ايه من حرب الدول والراس عالي
ايه من حرب الدول والراس عالي
لرتكز عج الرمك نارن لضيه

درع لصاحب وترخص كل غالي
لجله تسوق العمر هيه بهيه

خصمهم دمه على الامتان سالي
يشهد التاريخ في نجد العذيه

روسهم قدّام ماتقلط توالي
جيتن ماهي بحيالله جيه

علم اللي جاهلن والشك زالي
لايعاند حرب وفعوله رديه

صفهم تخزم به الجمع الموالي
ما يخلي واحدن فيهم خويه

بالمواقف وقفتن مثل الجبالي
ويل منهو يخلف النيه بنيه

اسمهم يصدح جنوب وفالشمالي
للكرم ظلن وللأخصام كيه

الصحيح اللي على اثباتن يقالي
نارهم والله فالامداح حيه