رشيد الزلامي أول حياة الفتى مشوار وعساسة

الشاعر الكبير رشيد الزلامي رحمه الله .. قصيدة في الحكمة والحياة.

قالو تعلمت قلت عناد وفراسه
اجاهد النفس والدنيا واصارعها
ودرست في مدرسه من شيبت راسه
دنيا العنا للي قضيفات مطامعها
تلميذها دايم تكتب بقرطاسه
تعطيه جملة دروس مايضيعها
والله عطانا نظر وشعورحساسه
ناخذ علوم المعرفة من مراجعها
ونساير الوقت ونقيسه بمقايسه
ونواجه النفس بالواقع ونقنعها
وترى حياة الفتى مهما قوى باسه
محفوفه بالخطر والموت تابعها
من مبتدى العمرحتى يلفظ انفاسه
يمر في مرحله تكثر زوابعها


اول حياة الفتىمشوار وعساسه
مسافه في عجاج العمر يقطعها
وثاني حياة الفتى تدريب ودراسه
تصعب ظروف الحياه وينشغل معها
وثالث حياة الفتى يرجع على ساسه
النقطه اللي بدا منها يراجعها
ياصل لسن الهرم ويضيع الطاسه
ويزحف مع الارض ويخطط شوارعها
ولياتلاقت متونه وارتخى راسه
ضاعت جميع العلوم اللي يجمعها