ژاڵە - شار
665 بار بازدید -
5 سال پیش
-
ئەڵێم ئەم شارە جێ بێڵم
ئەڵێم ئەم شارە جێ بێڵم سەفەر کەم
برۆم خۆم لە عالەم دەربەدەر کەم
بە هاواری دڵ و بارانی دیدەم
لە دەردی خۆم هەموو عالەم خەبەر کەم
ڕەفیقانم گەلێ پەیمان شکێنن
بلا ڕاکەم لە دیتنتان حەزەر کەم
هەڵۆی شاخم کەوی دیلی قەفەس نیم
بڕۆم و ڕوو لە کێوان و کەمەر کەم
هەمو نامۆن و من تاک و غەریبم
نەماوە ئاشنا بۆ کوێ نەزەر کەم
شەوارەم بێ نەبینم ڕۆژی ڕووناک
ئەگەر بەو شارەدا ئیتر گوزەر کەم
وڵاتی مەرگە ئێرە گۆڕی عەشقە
بڕۆم چاکە و لە خۆم دەفعی خەتەر کەم
مامۆستا جەلال مەلەکشا
5 سال پیش
در تاریخ 1398/02/27 منتشر شده
است.
665
بـار بازدید شده