ام کلثوم برضاک یا خالقی دستگاه: راست (بیات عجم عربی)
4.3 هزار بار بازدید -
8 ماه پیش
-
مصر اؤلکه‌سینین مشهور مغنّی‌سی ام
مصر اؤلکه‌سینین مشهور مغنّی‌سی ام کلثوم (۱۸۹۷- ۱۹۷۵) عرب دونیاسیندا «کوکب الشرق» لقبی ایله مشهوردور. اونون وفاتیندان ۵۰ ایل کئچسه ده، یئنه آلبوم‌لاری ساتیلیر. آتاسی موذن اولماقلا گؤزل سسه مالک ایمیش. او موسیقینی و قرآن تلاوتینی آتاسیندان اؤیرنمیشدیر. ابوعلاء محمد کیمی اوستادلاردان تعلیم آلمیشدیر. ام‌کلثوم، سینما ساحه‌سینده ده فعالیت ائتمیش و «سلامه» و «فاطما» اونون گؤزل اثرلریندن ساییلیر. ۱۹۴۰- جی ایل‌لر و البته ۱۹۵۰- جی ایل‌لر ام‌کلثومون اوج واختی ساییلیر. ام‌کلثومون سسی کنترآلتو سس‌لرین ایچینده یئر آلیر. بو سس قادین مغنّی‌لرین ایچینده ان قالین یا بم سس حساب‌لانیر. اونون اصلی هنری، بدیهه‌چی‌لییی‌دیر و عیناً بیزیم مئیخانا صنعتیمیز کیمی و عرب‌لرین کلاسیک موسیقی‌لرینده اولان بدیهه‌چی‌لیک کیمی، ام‌کلثوم ده بو هنردن بهره آپارمیشدیر.
۱۹۷۵- جی ایلین فورال آیین‌دا بؤیرک خسته‌لییی ایله همیشه‌لیک دونیایا گؤز یومور. قاهره شهرینده و اونون تشییع مراسمینده دؤرد میلیوندان آرتیق انسانین حضورو اولماقلا، دونیانین ان بؤیوک غیرسیاسی تشییعی آدلانیر.
تقدیم ائتدیییمیز پارچادا هر نه آیدین‌دیر. شجریان، مشهور ربنا اثری‌نی عیناً ام‌کلثومدان کپی ائتمیشدیر. بیر چوخ فارس خواننده‌لری ده اؤز عصرلرینده ام‌کلثومدان تقلید ائتمیش‌لر، آنجاق شجریان کیمی هئچ زمان بو مسئله‌نین اوستون آچمامیش‌لار! هم ده شجریان هر زمان عرب دیلینی، فارس دیلی‌نین آرادان گئتمه‌سینه بیر تهلوکه ساییردی، آنجاق اؤز ایش‌لرینده عرب‌لردن تقلید ائدیردی.
#ادبیات_ائوى
8 ماه پیش
در تاریخ 1402/11/04 منتشر شده
است.
4,396
بـار بازدید شده